減雙下巴妙法 快看哪種瘦臉整形法最適合你

Channel May

廣告

每個女生都想瘦臉、小臉,現今坊間瘦臉方法五花八門:按摩、冷敷、通淋巴等層出不窮,當然唔少得整形瘦臉。不過,想整形瘦臉之前,都要先了解自身情況再作選擇,始終每個人都唔一樣,適合嘅方法都唔同,千萬唔要人云亦云。以下3種瘦臉方法為不同面部問題嘅人而設,先了解清楚,再咨詢醫生建議,才可以更有效選對最適合自己嘅方案!

撰文:CM Team|圖片:網上圖片

1/ 打瘦面針
打瘦面針的確是比較方便同常見嘅方法,但並非人人都適合。一般咀嚼肌比較發達嘅朋友,其實都可以通過注射肉毒桿菌方式來瘦臉。注射肉毒桿菌可以阻斷肌肉同神經接頭,令肌肉慢慢萎縮,從而達至瘦面效果,呢種方法見效時間快,一般一星期左右就可以見到成效,兩個月後嘅瘦面效果最明顯,不過只可以維持8個月左右。

其實面型同日常生活都息息相關,日常多注意飲食,少吃堅硬食物,不要只用一邊面來咀嚼,也可有助保持瘦面、面型平𧗽。

2/ 面部吸脂手術
如果你屬於脂肪型Pizza面,因為太多脂肪而失去本身輪廓,面部吸脂手術可以係你其中一個瘦面選擇。面部吸脂手術係微創手術方法,主要針對臉頰同下巴進行吸脂,下巴吸脂後會有助減少雙下巴情況,從而令輪廓更加突出。

3/ 削骨整形手術
如果你屬於國字面型嘅話,削骨整型手術可有助改善面型。於手術過程中,一般都會從口內切口,不留疤痕之餘,仲可以令面部弧度更加流暢,不過手術後需要一個星期時間來消腫,同時需要戴兩個月嘅頸托以作保護。

不要衝動!一切都要小心行事
以上3種方法都可有助瘦面,不少人聽後或許也會心思思想立即去做。不過都係果句,以上內容只作參考,做任何療程都要搵專業可靠,甚至有認證執照的治療師或醫生問清楚喔。另外,進行美容注射時,都要了解多d安全及風險呀。