新聞女王 佘詩曼 ^佘詩曼^爆氣直播

新聞女王|爆氣直播教學網瘋傳佘詩曼視后無誤陳楨怡驚艷閃現

tvb娛樂

廣告

由無綫與優酷聯合製作,謝穎、鍾澍佳總監製、關文深監製的台慶劇《新聞女王》,逢周一至五晚八點半翡翠台播映,主要演員包括佘詩曼馬國明李施嬅高海寧、王敏奕、何依婷、鄧智堅、譚俊彥、龔慈恩、吳業坤、車婉婉、何廣沛及林正峰等。

昨晚(24 日)一集 Man 姐(佘詩曼飾)與梁景仁(佐治,馬國明飾)就茶果嶺「思覺大叔」持刀事件報道手法發生激烈爭論,Man 姐堅決反對嘩眾取寵兼要求fact check「思覺大叔」身上是否真手槍、並堅持新聞是「educate」而不是
「entertain」觀眾!之後 Man 姐因 Cathy(高海寧飾)採訪期間訊號受干擾,聯想到思覺大叔發狂可能與附近有高頻電波有關,即拉攏現場的家妍(李施嬅飾)聯手打造好新聞,勝出漂亮一仗。

新聞女王 佘詩曼 Man 姐同家妍聯手,絕對係劇迷期待嘅畫面,佢哋兩個嘅主播 Tone,都一致獲得一面倒好評。
Man 姐同家妍聯手,絕對係劇迷期待嘅畫面,佢哋兩個嘅主播 Tone,都一致獲得一面倒好評。(圖片來源:TVB

主播 Tone 獲讚似方健儀

Man 姐在「表演」前向佐治拋下的一句「等我教多你一次咩叫直播」成功先後熱爆內地及香港,昨晚討論區洗版式留言喪讚 Man 姐,並指阿佘榮膺視后無誤:「好寸好有型」、「動作語氣都好型」、「揸筆嗰下型到」、「佘詩曼型到癲」、「霸氣直播」、「阿佘一出現即刻壓到成個場」、「阿佘笑容都有霸氣」、「阿佘眼神好識做戲」、「全年所有劇無人同阿佘有得鬥」、「真心視后」;就連阿佘昔日《金枝慾孽》中好拍檔「玉瑩小主」黎姿,亦有在阿佘 Ig 留言:「好型呀!我要睇」,足證小主也被阿佘成功圈粉。至於阿佘現任拍檔馬明則留言扮驚驚:「Man 姐發火,非同小可」。

新聞女王 佘詩曼 「等我教多你一次咩叫直播」已經成為 Man 姐其中一句經典台詞。而主要原因,係阿佘 Carry 得夠晒型,加埋支筆,一絕!
「等我教多你一次咩叫直播」已經成為 Man 姐其中一句經典台詞。而主要原因,係阿佘 Carry 得夠晒型,加埋支筆,一絕!(圖片來源:TVB

鍾澍佳爆阿佘外冷內熱:她不說太多話

對於阿佘今晚再晒主播 Tone,網民亦瘋狂留言讚好,不枉阿佘早於開劇前半年已為主播語調做定功課,網民留言:「佢應該練咗好耐,真係報導得十足方健儀咁樣」、「佘詩做主播,瞌埋眼聽,幾可亂真」、「佘詩搣甩雞仔聲,壓低把聲同時做到高低起伏,配合語速改變,出嚟效果真係好似主播」。談到阿佘憑 Man 姐熱爆香港及內地,劇集總監製鍾澍佳受訪時坦言「冇阿佘冇 Man 姐」,並大爆阿佘私下也是大姐大:「佘詩曼對所有的演員,她都特別照顧,譬如她看到你今天咳嗽,明天就會給你帶藥水,她不會說太多話,但對你的關心是直接用行動表現出來,這一點已經是文慧心的特質了,外冷內熱。」

新聞女王 佘詩曼 Man 姐要求 check 曉薇何依婷飾)電話呢幕,真係嚇到個心離一離。
Man 姐要求 check 曉薇(何依婷飾)電話呢幕,真係嚇到個心離一離。(圖片來源:TVB

擸刀挾持陳楨怡嚇到標汗 李國麟演活精神病漢獲讚真演技

除了 Man 姐,劇集其他角色亦相繼彈出,以本集個案人物「思覺大叔」(李國麟飾)及其女兒莎莎(陳楨怡飾)為例,雖然出場不多,兩人均甚有發揮,演繹精神病漢入木三分、眼神姿態俱甚是像真的李國麟,獲留言大讚真演技:「今集國麟哥好亮眼,幾場戲突顯功力」、「呢啲真係真演技」。而仍是新人的楨怡,短短數幕便玩勻飛車、喪跑、崩潰爆喊及被挾持等,其中一幕與高海寧在山上狂奔,還大晒牛奶肌及逆天長腿,獲網民大讚「驚艷」、靚女兼演技躍進:「陳楨怡今年做得好唔錯,廉政狙擊同王浩信一 pair 都好感人」、「陳楨怡幾靚,演技幾自然」,她與李國麟的父女情亦獲讚感動。

新聞女王 佘詩曼 尋晚王敏奕嘅演出亦好出色,據知下周佢將會有更「驚嚇」嘅表現。
尋晚王敏奕嘅演出亦好出色,據知下周佢將會有更「驚嚇」嘅表現。(圖片來源:TVB

對於喜獲正評,楨怡坦言開心:「今次角色出現時間唔長、但好大挑戰,因為情緒起伏大,全部場口都好激動。」楨怡又感激李國麟幫忙入戲:「佢好有經驗,好快令我相信佢係我爸爸。其實我一入屋見到佢拎住刀,已經忍唔住喊。」談到被李國麟以刀子抵住條頸,楨怡笑言由於刀子有一定危險性,所以李國麟才比她更害怕:「麟哥驚真係整到我,但鏡頭又要影到佢『厄』落去先至真實,又要配合好多嘢,所以大家拍時都好緊張,果場戲其實拍到出晒汗。」楨怡又爆高海寧超暖心:「除咗畀好多意見我,佢每次開早佢都會問我要唔要咖啡。」談到護膚心得,楨怡坦言都是保濕及飲食清淡為主:「每次化完厚妝都一定用泥 mask 清潔同保濕,食嘢就非常清淡,盡量所有嘢白烚,同埋 keep 住做運動,喺橫店唔使開工我都會做 gym。」

新聞女王 佘詩曼 網民大讚楨怡演出有進步,齋睇畫面都感受到佢嘅無助同激動。
網民大讚楨怡演出有進步,齋睇畫面都感受到佢嘅無助同激動。(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)
新聞女王 佘詩曼
(圖片來源:TVB)

圖片來源:(圖片來源:TVB)