新聞女王｜臺慶劇大結局翡翠臺連播兩小時無綫社交平臺走訪「家妍山」背後故事

Dec 20 2023

由無綫與優酷聯合製作，謝穎、鍾澍佳總監製、關文深監製的台慶劇《康業信貸快遞呈獻：新聞女王》，本周一至四晚八點半翡翠台播出第 21-24 集，周五（22 日）晚八點半起翡翠台連續兩小時播出第 25 集及第 26 集大結局，22 日當晚，《新聞女王》台前幕後更會移師澳門上葡京綜合度假村綠茵勝境花園，與現場觀眾齊齊睇結局歡渡冬至。

開播後掀起連番熱話的《新聞女王》，就連劇中場口都引發打卡熱，當中一支獨秀是主角張家妍（李施嬅飾）用以享受寧靜及避世的烏托邦—格仔山。位於九龍仔的格仔山，又名「樂富山」，只需半小時便可直達山頂遠眺九龍仔全貌。隨著《新聞女王》熱播，格仔山除多了「家妍山」封號，還因家妍於第 20 集在該處崩潰爆喊再追加「崩潰山」封號。無綫官方社交平台專頁日前派出小編，實地視察「家妍山」打卡實況，並攜同「崩潰家妍扇」配合劇情，相當抵死。雖然小編視察當日天氣寒冷，但仍成功捕獲專誠前往打卡人士。對於劇集景點引發熱潮，監製佳導透露當初選址格仔山確實暗藏玄機：「劇情開初嘅概念係同棋盤有關，格仔山嘅格仔就好似國際象棋嘅棋盤咁。同埋嗰度係香港好有特色嘅地方，好適宜作為家妍洗滌心靈嘅神秘花園。」

《新聞女王》亦同時掀起金句熱，除了 Man 姐、家妍、子傑及方太（龔慈恩飾），有「勝利球迷」之稱的飛爺（鄧智堅飾），雖然表面 A 字膊兼看似「淨係識擦鞋」，但實質是「最強智者」，昨晚（18 日）面對 Man 姐強勢執行 Prime time改革，睇通睇透的飛爺竟定過抬油，更教精佐治指若方太真的支持 Man 姐，改革一事必定事先已做好全年計劃，如今見步行步根本不足為懼，飛爺說：「有收視有口碑就話腳震啫」、「根本方太寫好晒劇本，我哋順住去演就得架喇，唔好搶戲，唔好搞小動作！」

其實飛爺早於上周已對 Man 姐改革做好防禦措施，包括邊打麻雀邊在方太面前落藥：「深入意見，咪即係深層睡眠咯，聽唔明就覺得悶啦」、「啲觀眾睇咗幾十年，你突然之間話變，小心連原本嘅觀眾都流失埋」。面對「盟友」佐治與華姐（車婉婉）不和，飛爺亦醒目地不立危牆之下：「企邊邊都好，最緊要唔好企懸崖邊」。另上周飛爺 VS 鳥倦知返家妍的一席話，亦是啜核又抵死：「你咪好似呢杯嘢飲咁咯，幾好飲都好、錯咗 Timing」寸得嚟又有道理，難怪網民大讚飛爺直

達「辦公室生存指南」教科書級別：「飛爺到處金句，句句誅心，簡直是人生導師」，內地更一度捲起「是否確診飛爺」熱潮。

鄧智堅獲封收視功臣

為了向飛爺致敬，無綫官方社交平台專頁先後發布了名為「飛爺綜合症」及Highlight 飛爺「扮工」實錄的帖子，列出飛爺「永遠卸膊，有功就領」及「只會喝珍珠奶茶」等特點，並笑指想不到「扮工飛」連踩地雷都如此肉緊，旋即引爆網民熱討：「飛爺不喝奶茶我就不喜歡他，太有特點了」、「奶茶飛」、「完美演繹卸膊上司」、「這個角色是真實社會的人物」、「點醒 Cathy 一幕已經知佢睇得好通透」、「是劇集收視好靈魂人物之一」、「TVB 最佳男配角唔係浪得虛名」、「角色好有新鮮感」！而對於「扮工」被踢爆，鄧智堅亦搞笑地「飛爺上身」於留言回應擺官威：「網誌部小編又公開公司機密，prime time 前我要收到合理解釋。」同飛爺唱反調？鄧智堅最想代言健康食品