肥媽李鼎｜最後一集肥媽感激林嶺東 怨當年被屈過檔亞視收入大減！
由 Maria Cordero（肥媽）、李家鼎（鼎爺）及游嘉欣（游游）擔任主持的飲食節目《肥媽李鼎》，今晚 10 時 30 分翡翠台播映最後一集。今晚（24 日）一集，主題是「最多謝的人」，肥媽最想多謝的人是她的「恩人」林嶺東先生，她說：「嗰時我喺一間 Disco 唱歌，佢成日嚟聽我唱歌，佢覺得我把聲似黑人，之後叫泰迪羅賓作咗首黑人怨曲畀我唱，點知一唱，周街啲人叫我『嘥氣』，咁就入咗呢行。」肥媽分享與林嶺東先生的趣事，她說：「佢嗰時晚晚嚟好似返學咁，我每晚都會唱《We Are The World》，呢隻叫校歌，我就叫校長，嗰時好好玩，真係唔捨得。」
至於游游最想多謝的人，是找她拍攝劇集《香港愛情故事》的監製林肯，她說：「我當時真係一個𡃁妹乜都唔識，佢夠膽畀一個重要嘅角色我做，佢真係好夠薑，如果冇佢當初咁大膽選用我，就冇今日我坐喺度同兩位講嘢。」之後肥媽畀機會游游對着鏡頭向珍姐推介自己，游游竟然怕醜得面都紅埋，非常可愛。來到節目尾聲，身為廚房 Killer 的游游為答謝肥媽和鼎爺的照顧，非常有心地提早到場炮製「游氏釀冬瓜」慰藉兩老，肥媽和鼎爺又會如何評價呢？
