身體最誠實｜李佳芯重提卵巢腫瘤經歷 連起床都有困難：要照顧好身體
廣告
TVB健康資訊節目《身體最誠實》，今晚（12日）將播映最後一集，節目邀來「腫瘤學巨人」莫樹錦醫生聯同 3 位女神李佳芯（Ali）、何沛珈及梁超怡擔任主持，今晚播出的最後一集主題是精神病，李佳芯更在「Ali Says」中，重提2017年生卵巢腫瘤一事！
身體最誠實｜李佳芯重提卵巢腫瘤經歷 連起床都有困難
今晚播出的最後一集主題是精神病。在「Ali Says」中，李佳芯重提2017年生卵巢腫瘤一事，她說：「有一晚收工返屋企瞓覺，瞓到半夜突然間腹部好痛，嗰種痛係扭住撕裂嗰種痛，我係從來都未試過咁，幾日之後去做身體檢查，醫生發現我個卵巢有個13cm乘7cm大嘅腫瘤。」李佳芯指其實當時身體早已發生異樣，只是因自己工作太忙未有為意，她說：「嗰時之前我摸住肚時，都feel到凸起咗嘅，但因為工作忙，以為自己只係有小肚腩，就忽略咗冇留意。好彩個腫瘤係良性，醫生都即刻幫我排期做手術。」
身體最誠實｜李佳芯不斷提醒自己要照顧好身體
Ali續指做完手術後頭一個星期連起床都有困難：「因為傷口有啲血水去未清，每次起身都要撳住啲嘢先起到床，所以我啲肌肉同筋骨都會痛。」Ali坦言經歷事件後深有體會：「原來曾經以為離自己好遠嘅事，霎眼間就會出現，所以我不斷提醒自己，要照顧好身體，咁先可以好好享受生活。」
身體最誠實｜莫樹錦邀約榮潤國探討抑鬱症和思覺失調問題
何沛珈和梁超怡則向註冊物理治療師請教坐骨神經痛問題，二人做小測試時更忍不住嗌痛。莫樹錦醫生今集邀來香港中文大學醫學院精神科學系系主任榮潤國教授、探討抑鬱症和思覺失調問題；節目尾聲，莫樹錦醫生還會親揭相隔十年再做健康節目主持原因。
圖片來源：（圖片來源：TVB）
