Mayanne小喇叭丨朱咪咪鼓勵開拍續集 麥美恩揚言踢走曾展望
廣告
無線娛樂新聞台報導：《Mayanne小喇叭》喺4月18號晚就會播出最後一集，麥美恩繼續使出人情牌，邀請咗朱咪咪、袁偉豪、吳若希同埋林盛斌擔任嘉賓，一齊傾吓「襟撈」呢個話題。
Mayanne話呢集請嚟嘅幾位嘉賓，位位都有情有義，特別係咪咪姐仲係專登返嚟香港，阿Bob都話為咗呢集錄影推咗六個工作，Mayanne笑笑口話封返封利是畀阿Bob，入面寫「無言感激 多謝參與」。Mayanne話阿Ben都係原本有工作在身，而一姐Jinny就拍緊劇，Jinny笑住話停咗廠嚟支持Mayanne。
見到咁多朋友嚟撐自己，Mayanne當然好感恩，嚟到最後一集，佢都百感交集，錄影期間都忍唔住喊咗出嚟，咪咪姐話「佢頭先流嘅眼睙係想嚟多12集。」Mayanne即大笑話問咪咪姐：「係咪玩嘢。」Mayanne話其實12集等同12個節目，成個團隊係好有心思，咪咪姐就鼓勵佢再開續集，仲叮囑要預先通知，等佢訂定機票喺新加坡返嚟香港，Mayanne又提議踢走曾展望，孖咪咪姐開續集，搞到曾展望好尷尬話：「畀次機會好唔好呀! 我知錯，我知自己做得唔好。」Mayanne最後覺得成個節目得來不易，真心多謝所有嘉賓。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2024香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
