不正常愛情研究所｜黃紫恩反傳統嫁好人家祕訣大公開健美教練爆Gymroom祕聞Jojo胡敏芝肌女合成圖引關注
清談節目《不正常愛情研究所》逢周四晚11點J2（82台）播出，明晚（20）一集由J2er黃紫恩（Jojo）、胡敏芝（Karen）、陳國麟（Doniven）連同黃潤祺（Jaxson）及文頌男（Koba）主持，主題是「我的Man 爆GF」。
「想飲水冇得話自己口渴，食嘢又唔可以自己嗌」
節目開始時自言男仔頭的Jojo，分享女性友人教路的「嫁好人家」三大秘訣，她笑說︰「佢話女仔要長期黑面，對任何讚賞都唔好回應，要幾『高冷』就幾『高冷』，永遠唔好直線望其他人。」接著Jojo示範一秒黑面，身邊的Karen即忍唔住說︰「佢咁樣好正，要keep住。」Jojo續指有要求也只能暗示、不能明示︰「想飲水冇得話自己口渴，食嘢又唔可以自己嗌，聽落都覺好有問題，咁樣我會餓死。」同場的Karen則自爆麻甩行為，就是跟家人吃飯時會戙腳，更即場示範，相當豪邁。之後製作組展示了Jojo及Karen的「肌女」合成圖，二人直言不能接受，Jojo更指住合成圖心口位置，講笑兼自嘲謂︰「前排仆親塊面，如果咁樣，我一定無事。」
爆情侶Gym Room越界行為？
今集「有故事的人」請來健美女教練Honey，Honey自言身形變靚後，身邊不乏男士追求，但都偏向花弗。席間Jaxson被問到會否約會像Honey般較自己年青女士時，他想也不想便回答︰「會呀，自己都鍾意做gym，同埋有同樣追求嘅人會互相吸引。」接著更展示粗壯手臂追問Honey︰「好似我咁樣啱唔啱？ok唔ok？」Honey笑言流晒口水，搞到現場各人起哄。節目中Honey自爆在美國參加健美比賽時艷遇，更差點被即興拉去教堂結婚。另外Honey還大爆Gym界秘聞，包括失婚女士撻着Gym Room已婚老闆、情侶凌晨在Gym Room情到濃時的越界行為等，欲知詳情，留意明晚播出的《不正常愛情研究所》。
