大笪地唱不停｜樊亦敏嘉賓登場引爆全場周吉佩揭祕天水圍情緣吳大強元朗獻唱風騷
《佳宝食品超級市場呈獻：大笪地唱不停》逢周日晚 9 點翡翠台播映，第一季《中年好聲音》實力唱將將遊走深水埗區、東區等舉行巡迴演唱，節目由許文軒擔任主持。
周日晚（6 日）播出一集演唱地點是元朗區，演出陣容有周吉佩、李佳、羅啟豪、龍婷、顏志恒、吳大強、支嚳儀、曹敏寶和涂家堯，嘉賓則有「三太」樊亦敏和區永權。吉吉、吳大強和曹敏寶原來和元朗甚有淵緣，吉吉自爆曾有一段天水圍情緣，他說：「嗰陣係中學階段，佢當時住喺天水圍，我每日都會送佢返屋企。依家有咗小朋友都間中會嚟天水圍，會去濕地公園。」Bill 哥哥吳大強更是元朗地膽，他自豪地說：「我係元朗人，喺元朗出世嘅！」他最難忘兒時食盆菜經歷：「以前食盆菜真係唔同啲，係用木桶裝嘅。」敏寶老公則是元朗山貝村原居民，敏寶說：「林氏宗祠對我嚟講好有意義，因為我喺呢度同老公拜堂成親，諗番起當日都覺得好特別，令我認識到原居民嘅習俗。」
歌唱部分同樣精彩，「三太」樊亦敏孖住羅啟豪獻唱《緣份》，三太一出場即引發全場尖叫，氣氛高漲。節目《煮東煮西》主持顏志恒和支嚳儀則合體獻唱《信自己》，兩人 High 爆又唱又跳，最後更齊齊 Chok 出型格 Pose，默契十足。元朗地膽 Bill 哥哥今集的歌唱演出繼續貫徹風騷 Style，High 爆獻唱英文串燒歌《Sha La La La+One Way Ticket+Oh Carol》，向來貼地的他更一度走落台與街坊握手。節目尾聲，大家合唱《海闊天空》為演唱會作結。
是集歌單：
《櫻花樹下》
《你最珍貴》
《李香蘭》
《緣份》
《信自己》
《Perfect》
《Sha La La La+One Way Ticket+Oh Carol》
《心酸的情歌》
《別問我是誰》
《至少還有你》《夢中人》《海闊天空》
