寵愛PetPet｜董敬文聲演皮蛋引發深思梁菁琳身為獸醫卻對貓狗過敏
由陳耀全（Andy）監製、黎家明編審的《寵愛 Pet Pet》，逢周一至五晚 9 點半翡翠台播映。本著讓觀眾看畢劇集後對寵物及動物有更深入了解的宗旨，《寵愛》不少場口集中透過畫外音表達動物內心世界，由於動物不會說話，聲音演繹變相對劇集十分重要。昨晚聲演陣容陸續曝光，除為主角冬甩配音的阮政峰、還有董敬文、吳綺珊、李芷晴、霍健邦及易智遠等。
昨晚（2 日）一集亦是洋蔥滿滿一集，劇情講述狗狗皮蛋（董敬文聲演）遇車禍急需做手術，惟主人徐輝（鄒兆霆飾）一直玩失蹤。因一次意外獲得與冬甩（金毛尋回犬 Romeo 飾）「傳心」神技的汪聲仁（周嘉洛飾），藉著與冬甩「心交」得出重要線索並找到徐輝，原來徐輝潛逃是因失業和太太（吳紫韻飾）懷孕等問題不夠錢支付皮蛋手術費，但其實甚是內疚；不過另邊廂皮蛋非但沒有怪責主人，想法更十分懂事：「我知爹哋好想醫番好我，但我唔想佢嘥錢，想佢留番啲錢畀小主人用，反正做狗嘅，生又好死又好，始終有一日會返彩虹橋。陪咗爹哋咁多年，我冇遺憾架喇，唯一可惜係小主人出世之後，我冇得陪佢玩。」董敬文受訪時坦言配音時亦有被相關對白觸動：「始終為別人犧牲係需要好大嘅勇氣，同埋要好有愛。」敬文透露雖然自己不是飼主，但偶爾有幫忙照顧好友馬貫東飼養的貓咪，並笑言被融化：「佢養嘅貓咪生咗幾隻貓仔，佢有邀請我幫手照顧吓，佢哋好黐我好得意。」敬文續指養寵物要負很大責任：「唔會貪一時過癮養寵物。」
以感人和搞笑為主的《寵愛》，是集搞笑場口亦相當經典，話說冬甩與一班狗仔Friend 玩「真心話大冒險」，圍埋「狗噏」的有吳綺珊聲演的妹豬、霍健邦聲演的柴九、李芷晴聲演的 BB 和易智遠聲演的當奴，他們以生鬼調皮 tone 大放笑彈。深感被閹割後雄風大失的妹豬大嘆：「閹完之後唔止把聲變咗做女仔，就連個名都變埋，我原本叫強牛，依家改咗叫妹豬！」至於選擇大冒險的柴九則被派去鬧主人，由於飾演柴九主人的正正是霍健邦本人，變相自己鬧自己，十分搞鬼。劇集播出後，飾演獸醫顏采兒的梁菁琳引起關注，身為《東張西望》外景主持的菁琳，入行前是一名獸醫，監製 Andy 看準菁琳的獸醫背景，邀請她演出獸醫一角，成為菁琳處女劇集作，菁琳亦有運用本身的專業知識或相關網絡協助劇組。雖然身為獸醫，但菁琳原來對不少動物毛屑過敏，她受訪時透露：「我對有啲動
物有啲敏感，好似貓、狗、兔仔嘅皮屑，所以我主要係睇珍禽異獸多啲，好似雀鳥、鼠類、爬行動物、魚類咁。敏感對於做獸醫嚟講，話冇影響係冇可能，如果貓狗比較多時會用多少少敏感藥，所以都 Handle 到。」
