寵愛petpet 陳瀅 ^陳瀅^與愛犬^Kumo^驚喜現身

寵愛PetPet|陳瀅與愛犬驚喜現身支持周嘉洛 痞子殿下夢幻CP再度出擊

tvb娛樂

廣告

由陳耀全(Andy)監製、黎家明編審的《寵愛 Pet Pet》,逢周一至五晚 9 點半翡翠台播映。昨晚(7 日)播出一集最大驚喜位,絕對是陳瀅帶同愛犬 Kumo 驚喜客串!由於陳瀅、周嘉洛在《痞子殿下》飾演的「阿四蠻儀」CP 相當入屋,加上《痞子殿下》亦是由 Andy 監製,《寵愛 Pet Pet》x《痞子殿下》的夢幻聯動令觀眾興奮不已,即使陳瀅只在《寵愛》閃現數秒,網友亦大表驚喜。

寵愛petpet 陳瀅 陳瀅閃現一秒已引起唔少網友關注。
陳瀅閃現一秒已引起唔少網友關注。(圖片來源:TVB

「曲行雲」都有探班

講到陳瀅閃現客串,監製 Andy 透露:「佢知道我拍《寵愛》之後,就一直好想自己嘅愛犬可以有份出鏡,嗰時佢又開緊第二部劇,最後諗到喺呢場戲安排佢做一個客人,滿足佢嘅心願。」觀乎花絮片段,Kumo 非常黐嘉洛,嘉洛更將 Kumo放在膊頭上跳舞,現場其他演員見嘉洛同 Kumo 鬼咁老友不禁說:「點解隻隻(動物)都咁鍾意你嘅?」當日除了陳瀅,正值拍攝《靈戲逼人》的張振朗亦有到場探班,更以「曲行雲」造型現身。

寵愛petpet 陳瀅 陳瀅同愛犬 Kumo 感情要好。
陳瀅同愛犬 Kumo 感情要好。(圖片來源:TVB

薇薇散發女神光勁吸睛

劇情方面,汪聲仁(周嘉洛飾)與金惠婷 Paula(林夏薇飾)朝夕相對,阿仁慢慢對 Paula 產生愛意,更會借 Buddy 冬甩﹝金毛尋回犬 Romeo 飾﹞試探 Paula 口

寵愛petpet 陳瀅 嘉洛同 Kumo 好老友,其他同場演員都指嘉洛好受小動物歡迎。
嘉洛同 Kumo 好老友,其他同場演員都指嘉洛好受小動物歡迎。(圖片來源:TVB

風。正所謂情人眼裏出西施,在阿仁眼中,Paula 無時無刻都散發女神光,畫面唯美得嚟又搞笑!皮膚白滑的薇薇,獲不少網友大讚靚女兼保養得宜,對此她曾分享心得謂:「平時好注重飲食,除咗會飲多啲水,亦都會飲水果、蔬菜汁,同埋每日至少做個半鐘運動。」昨晚黃子恆飾演的大律師羅定風登場,之後他將會開行 Turbo 追求 Paula,令阿仁打翻醋埕爆出連場笑料!

寵愛petpet 陳瀅 薇薇皮膚又白又滑,令唔少女士羨慕。
薇薇皮膚又白又滑,令唔少女士羨慕。(圖片來源:TVB

薇薇與嘉洛組成的「薇洛 CP」相當入屋,繼薇薇早前在社交網上載的洗頭搞笑片勁吸逾百萬觀看次數後,「薇洛 CP」再次合體出擊大晒好「舞」功,薇薇昨日於社交網晒出孖嘉洛跳舞片段,身材 Fit 爆的薇薇以緊身小背心上陣大晒纖腰,而向來玩得的嘉洛則大晒狂野電臀舞,十分搞鬼。

寵愛petpet 陳瀅
(圖片來源:TVB)

周嘉洛與陳瀅感情升溫 蘇韻姿受刺激晒水著? 心水清網民爆兩女過招

周嘉洛憑《愛回家》「廢青安」成功入屋,早前與「三姨」蘇韻姿傳緋聞,丹爺一句「要派帖」助攻成功令戀情浮面﹗不過戀情卻因周嘉洛「離家」拍劇與陳瀅擦出愛火花而凍過水﹗選港姐後未公開著三點式的蘇韻姿,早前激罕晒水著,被網民讚禾稈冚珍珠,有網民追問蘇韻姿是否向情敵陳瀅挑機?出po不到十二小時,陳瀅出po晒周嘉洛窩心送機,兩女暗鬥,令溫度再急速上升﹗

寵愛petpet 陳瀅 蘇韻姿 周嘉洛 陳瀅 挑機 水著
蘇韻姿平時打扮及戲服都比較密實﹗(圖片來源:IG@andreaso_)

周嘉洛背蘇韻姿偷食陳瀅?

周嘉洛被意外拍下拍攝古裝喜劇《痞子殿下》時挨實陳瀅瞓覺,片段流出後,周嘉洛被指周旋於蘇韻姿和陳瀅之間,而陳瀅在片場與周嘉洛毫不避嫌,不時在社交網晒合照,以證感情非一般﹗

寵愛petpet 陳瀅 蘇韻姿同周嘉洛拍攝《愛回家》傳緋聞,不時拍跳舞片﹗
28歲蘇韻姿大周嘉洛兩年,二人拍攝《愛回家》傳緋聞,不時拍跳舞片﹗(圖片來源:IG@andreaso_)

蘇韻姿心形胸再現 暗戰陳瀅

蘇韻姿16年參選港姐而入行,當年以梗頸四未能晉身三甲,自選美後未有公開著泳衣, 日前激罕晒三點式,不但大晒玲瓏浮凸身材,更晒出馬甲線,結實腹肌令網民好驚喜,留言大讚索,又指她「平時收得咁埋,原來禾稈冚珍珠」、「嘩﹗心形胸再現﹗」、「港姐之後冇見過你著泳衣」、「次次船P你都遮到實,今次好大方喎」。

寵愛petpet 陳瀅 蘇韻姿 周嘉洛 陳瀅 挑機 水著
蘇韻姿選港姐後甚少公開著泳衣,突然再晒心形胸,令網民好驚喜,身型幾弗,不過大腿兩截色卻好礙眼﹗ (圖片來源:IG@andreaso_)

網民:向陳瀅開火,想爭番安仔返嚟?

不過亦有不少網民問蘇韻姿「受咗咩刺激?」、「係咪向陳瀅挑機?」、「安仔唔要你我要你」、「見陳瀅呢排出水著你又出招?」。

寵愛petpet 陳瀅 蘇韻姿 周嘉洛 陳瀅 挑機 水著
(圖片來源:IG@andreaso_)

陳瀅晒周嘉洛窩心送機

蘇韻姿晒水著被網民解讀成向陳瀅開戰,不到半日,近來不時晒福利圖的陳瀅唔晒身材改晒愛﹗陳瀅拍畢《痞子殿下》後,日前返加拿大探親,去年至今已返加國三次的陳瀅,今次離港特別唔同,原來有緋聞男友周嘉洛送機,還有同劇演員JW(王灝兒)和朱敏瀚﹗

寵愛petpet 陳瀅 蘇韻姿 周嘉洛 陳瀅 挑機 水著
周嘉洛孖JW及朱敏瀚送陳瀅機,入閘前先去機場餐廳同陳瀅餞行﹗(圖片來源:IG@missjni)
寵愛petpet 陳瀅 蘇韻姿 周嘉洛 陳瀅 挑機 水著
臨入閘,周嘉洛不避嫌貼到實陳瀅(左二),盡顯不捨之情﹗(圖片來源:IG@missjni)

陳瀅 周嘉洛不避嫌表達不捨之情

據知陳瀅在中秋節前已起程返加拿大,不過現在才出Po晒周嘉洛窩心送機相片,莫非被網民講中兩女互鬥?相片見到周嘉洛等三人到機場餐廳為陳瀅餞行,臨入閘前周嘉洛更不避嫌貼實陳瀅影合照,陳瀅指過去幾個月拍攝劇集日夜相對,三位拍檔窩心送機,令她好感動,盡顯不捨之情,留言時特別祝周嘉洛(10月7日)生日快樂,而周嘉洛秒回「we miss you」感情真係好好﹗

寵愛petpet 陳瀅 蘇韻姿 周嘉洛 陳瀅 挑機 水著
陳瀅出po晒大合照外,只特別貼出與周嘉洛的開心雙人合照,周嘉洛在陳瀅心中佔重要位置﹗(圖片來源:IG@missjni)
寵愛petpet 陳瀅 蘇韻姿 周嘉洛 陳瀅 挑機 水著
陳瀅出po,閨密Anjay留言外,周嘉洛亦秒速留言「 we miss you」﹗其實陳瀅11月中返港,周嘉洛咁唔捨得人,真係三日不見如隔三秋咁喎﹗(圖片來源:IG@missjni)
寵愛petpet 陳瀅 陳瀅出po大晒周嘉洛、JW和朱敏瀚窩心送機﹗
陳瀅出po大晒周嘉洛、JW和朱敏瀚窩心送機﹗(圖片來源:IG@missjni)

陳瀅一年返加探親三次 11月中返港

陳瀅她曾花掉幾百萬積蓄在加國置業送給外婆,今次她逗留至十一月中才回港繼續工作,好好享受家庭樂﹗她更指雖然要忍受一次又一次的在酒店隔離,但為了見家人甚麼都值得﹗

寵愛petpet 陳瀅 蘇韻姿 周嘉洛 陳瀅 挑機 水著
現年31歲的陳瀅近來頻頻晒水著大派福利﹗(圖片來源:IG@missjni)
寵愛petpet 陳瀅 陳瀅好識享受生活,拍畢劇集後即不停與好友staycation﹗
陳瀅好識享受生活,拍畢劇集後即不停與好友staycation﹗(圖片來源:IG@missjni)
寵愛petpet 陳瀅 蘇韻姿 周嘉洛 陳瀅 挑機 水著
被網民求正面,陳瀅好識做之後再晒埋正面,滿足大家﹗(圖片來源:IG@missjni)
寵愛petpet 陳瀅 周嘉洛被指與陳瀅拍攝《痞子殿下》擦出愛火花,在片場二人亦不避嫌﹗
周嘉洛被指與陳瀅拍攝《痞子殿下》擦出愛火花﹗(圖片來源:吳岱融微博)

圖片來源:(圖片來源:TVB)