思家大戰|伍仲衡答「王浩信陳自瑤」全場嘩然 事後疑似公開向Yoyo道歉
![伍仲衡 其中有一個問答環節,主持人李思捷問「講一對TVB最恩愛嘅夫妻或情侶」](https://imgs.orientalsunday.hk/wp-content/uploads/2023/05/photo_2023-05-29_17-02-08_54976941164746b3dd4446-1024x822.jpg)
李思捷問TVB最恩愛夫妻 伍仲衡答案令全場嘩然
其中有一個問答環節,主持人李思捷問「講一對TVB最恩愛嘅夫妻或情侶」時,其他人都答出「陳豪和陳茵媺」、「馬國明和湯洛雯」,甚至同隊的「蕭正楠和黃翠如」都榜上有名,但到伍仲衡竟然回答「王浩信和陳自瑤」,同隊的隊友都露出了驚訝的神情,李思捷更即刻向伍仲衡跪拜表示敬佩,而到最後「王浩信和陳自瑤」並沒有出現在板上。
![伍仲衡 主持人李思捷問「講一對TVB最恩愛嘅夫妻或情侶」時,其他人都答出「陳豪和陳茵媺」、「馬國明和湯洛雯」](https://imgs.orientalsunday.hk/wp-content/uploads/2023/05/photo_2023-05-29_17-02-12_198942845564746b6d266ea-1024x825.jpg)
![伍仲衡 到伍仲衡竟然回答「王浩信和陳自瑤」,同隊的隊友都露出了驚訝的神情](https://imgs.orientalsunday.hk/wp-content/uploads/2023/05/photo_2023-05-29_17-02-27_150104888464746b6f3f797-1024x766.jpg)
![伍仲衡 到伍仲衡竟然回答「王浩信和陳自瑤」,同隊的隊友都露出了驚訝的神情](https://imgs.orientalsunday.hk/wp-content/uploads/2023/05/photo_2023-05-29_17-02-22_47195835964746b84634b3-1024x737.jpg)
伍仲衡節目播出後 社交網疑公開道歉
王浩信和陳自瑤近年屢傳婚變,不過兩位當事人一直都沒有正面回應過,昨晚(05/28)伍仲衡未知是否擔心節目出街後會惹禍,於自己個人專頁留言,疑似向陳自瑤道歉:「Sorry 陳小姐」,此留言一出即惹來大批網民留言,有網市民稱:「掂,你搞氣氛實在掂」、「我哋而家知道阿Sir恩愛嘅定義」、「你嘅答案語出驚人,陳小姐都唔知好嬲定好笑」、「伍Sir,我真係好鐘意你,俾左個開心既晚上俾大家」、「你係咪有內幕消息,只係我地全世界都唔知呀!」等。
![伍仲衡 昨晚05/28)伍仲衡未知是否擔心節目出街後會惹禍,在節目出街後於自己個人專頁留言,疑似向陳自瑤道歉](https://imgs.orientalsunday.hk/wp-content/uploads/2023/05/screenshot-2023-05-29-at-15.51.39_168948235264745fdda31b0-1024x812.jpg)
王浩信陳自瑤婚姻關係撲朔迷離
陳自瑤和王浩信雖然從未直接承認婚變,但是最近幾年肉眼可見幾乎零合照、零互動,甚至連同框出現公開場合也寥寥可數。早前Yoyo於抖音發佈影片介紹香港通關後的打卡熱點,置頂留言一位網民問:「單身了?」竟然獲得Yoyo本尊點讚,隨後「#疑似陳自瑤恢復單身#」的詞條更一度上了微博熱搜,似乎已經默認離婚。但是王浩信今年返港過年時曾罕有上傳女兒王靖喬的照片,更被懷疑與陳自瑤及女兒一起吃團年飯,他也於去年8月向外界宣稱:「一切安好,多謝大家關心。」,疑似向大家大派定心丸。
![伍仲衡 陳自瑤 男方多次傳出偷食,二人已經多年不合照。](https://imgs.orientalsunday.hk/wp-content/uploads/2023/03/718222591298375680571603_575800991642695eb8acdd-768x1024.jpeg)
蕭正楠率領「HEART」隊Chok住出場
今集兩隊參賽者玩得開心之餘,個個亦有備而嚟!一開始,蕭正楠、伍仲衡和區永權即場獻唱三人的限定男團「HEA」主題曲《HEA 到爆》,炒熱全場氣氛;而曾於上季模仿李思捷扮劉德華的「扮嘢能手」張翼東,當時因思捷 WFH 未能現場欣賞,今集終能於本尊面前 Show Off,思捷看後都大讚「Nice!」;至於「KOL 夢之隊」,五位隊友個個都有晒造型,齊齊 Cosplay 上陣,非常搶鏡!
![伍仲衡 「HEART」隊 Chok 住出場。](https://imgs.orientalsunday.hk/wp-content/uploads/2023/05/image_prefix_1_781753897646ed47bd3660.jpg)
![「HEART」隊成員蕭正楠左起)、伍仲衡、區永權、劉威煌、張翼東。03 「KOL 夢之隊」成員「泰仔」湯頌偉左起)、「妍內助」莫永妍、「追雲」劉健生、「君兒媽媽」陳亮君、「靚聲王」陳銳強。](https://imgs.orientalsunday.hk/wp-content/uploads/2023/05/image_prefix_2_433207306646ed47d9bd5c.jpg)
蕭正楠花式晒恩愛 暗爆黃翠如扯鼻鼾兼唔執屋
至於問答環節,今集更是「花生」指數爆燈!其中人夫蕭正楠答問題時,疑似將屋企真嘢拎晒出嚟講,除了暗指太太黃翠如瞓覺扯鼻鼾,更口快快暗爆翠如唔幫手執屋,說:「佢負責睇住我執。」自知一時多口的他之後急忙補飛一句:「但我都開心㗎喇!」花式晒恩愛,閃盲全場!
![伍仲衡 人夫蕭正楠答問題時,疑似將屋企真嘢拎晒出嚟講,除了暗指太太黃翠如瞓覺扯鼻鼾,更口快快暗爆翠如唔幫手執屋](https://imgs.orientalsunday.hk/wp-content/uploads/2023/05/07-1_1567071052647460e9a327a-1024x683.jpg)