思家大戰｜胡定欣被瘋狂狙擊 回答「點解會單身」勁尷尬
廣告
由李思捷主持及監製的《施巴 pH 5.5 潔膚浴露呈獻：思家大戰》第三季，逢周日晚 8 時 30 分翡翠台播映。今晚（20 日）播出一集，有陳豪率領的「破毒強人」隊，成員包括胡定欣、蕭正楠、何廣沛和郭柏妍，對戰方麗盈率領的「天涯歌女」隊，成員包括何儷沂、歐寶娜、韋飛雄和陳家美。
陳豪「文華」聲打招呼
《破毒強人》熱播當中，視帝陳豪（阿 Mo）甫出場即以招牌「文華」聲和大家打招呼，思捷問到為何聲音會這樣？鬼馬的陳豪笑言：「因為食咗啲好嘢，飲咗啲靚咖啡之後，把聲就變咗 High High 地！」在劇中與陳豪有無限恩怨情仇的蕭正楠接著說：「我同阿 Mo 條線好好睇。」顧住硬銷自己「忽視」了隊友，旋即引來定欣和廣沛怒睥圍攻，知衰的阿蕭即補鑊耍冧：「條條線都咁好睇！」劇中飾演啞巴的廣沛更應思捷要求示範手語。
陳豪演繹「同朕 Check 吓」
今集問答環節笑料十足，其中一條問題是「講到陳豪會諗起啲乜？」，玩得之人阿 Mo 自揭黑歷史，重新演繹當年在《帝女花》的經典對白「同朕 Check 吓」，惹來全場爆笑。
胡定欣被瘋狂狙擊
另一條問題「年紀超過 40 歲，又靚又 Nice 又叻又有錢嘅淑女，點解會單身？」，身為單身貴族的定欣即被思捷瘋狂狙擊，有人回答「太花心」時，思捷即追問定欣：「係咪呀？」不過見慣大場面的定欣未有被拋窒，只是淡定說：「點解望住我呀？唔知喎！我個人好專一。」
撰文：東方新地圖片來源：（圖片來源：TVB）
