早D知早D醫｜林淑敏坦述化療苦痛 張達明鼻咽癌抗爭七年

「醫生開頭好樂觀，話『如果係水的話，幫你抽完就走得啦』，但照完超聲波後發現有少少問題。醫生好沉默，之後抽組織，第一針係『椰絲』，第二針都係『椰絲』，第三針……全場唔出聲，結果報告顯示患上早期乳癌。」

林淑敏曾怨天：「點解係我？」

Mandy 坦言曾怪責上天「為何是我」，幸獲醫生鼓勵，加上努力維持樂觀正面心態，撐過了為時多年的抗癌旅程：「醫生同我講：『你唔會死嘅，你離死亡好遙遠，但係必須要花時間面對，治療並唔係傷風感冒，一兩個星期搞得掂。』」

治療導致脫髮「一抆就甩」

最終 Mandy 接受移除腫瘤手術，再接受 4 針化療和 18 針標靶治療注射，並每天到醫院接受放射性治療。Mandy 透露注射了第一針化療後，開始出現脫髮副作用，頭皮更一度痕癢至受不了，她指當時直接狠心把頭髮扯掉：「痕到搞唔掂，自己抆甩佢（頭髮），一抆就甩，之後舒服晒。」

自備健康餐開工

正所謂禍從「口」入，Mandy 自揭患病前飲食習慣相當不健康，愛吃雪菜肉絲餐蛋米粉做早餐，還自以為吃得清淡：「每日食餐肉，原來會吸收好多人工防腐劑同色素。」Mandy 現時會自備健康餐開工，包括自家湯水及大量蔬果；除飲食習慣有 180 度大轉變，更養成良好的跑步習慣，價值觀亦有極大改變：「依家活在當下，保持情緒開朗，對病情好重要。」

張達明分享對抗鼻咽癌的心路歷程

5月8 日播出的第九集，則有張達明分享對抗鼻咽癌的心路歷程。達明透露2011 年確診前不時出現流鼻血症狀，但由於量少加上精神不俗，當時並沒有太為意：「當醫生話你聽確診時，心情係驚同心痛。」而支持達明走過抗癌之路的，就是放眼看更遠和更美麗世界的期盼。談到長達 7 年的電療及化療抗癌治療，達明坦言四肢無力、聽力受損，他還藉此鼓勵患病者及早求醫：「大家有病唔好太擔心，好好去醫治，好大機會康復。」本集還會介紹全港首部嶄新質子治療系統，主力治療頭頸癌（頸部以上的癌腫瘤，特別是鼻咽癌），並能避開正常組織作針對式治療，將副作用減至最低。