疊影狙擊｜魏曉晨梁曦無間道對決黃宗澤黃浩然死戰娜姐爆貨𨋢玄機導演設計
由梁家樹及謝穎擔任總監製的《鎖健骨健康特約：叠影狙擊》，今晚 9 點半翡翠台播映大結局。《叠影狙擊》（下文簡稱《叠影》）主要演員包括黃宗澤、周秀娜、黃浩然、朱鑑然、郭政鴻、關禮傑、胡卓希、張慧儀、盧慧敏、于洋、艾威、方力申、梁靖琪及文頌嫻等。
《叠影》昨（6 日）晚一集，Mag 姐（張慧儀飾）、「金先生」楊俊傑（關禮傑飾）被警方發現洗黑錢罪證，Mag 姐向警方供出梁曦（周秀娜飾）是「金夫人」，由於梁曦一直扮死，借用其身份的孖生家姐魏曉晨（周秀娜分飾），則被警方邀請協助調查。另邊廂，俊傑的妻女被梁曦綁架，俊傑為此活捉曉晨，跟梁曦在貨倉交換人質，雙方爆發激烈槍戰，趕到的晟杰（黃宗澤 Bosco 飾）、曉晨被梁曦捉走，原來梁曦欲借涂文諾（黃浩然飾）之手殺死曉晨，並借屍還魂以曉晨的身份生活…
Bosco 與陳少邦對打大晒好身手
值得留意的是，昨晚大型槍戰動作場面，周秀娜與 Bosco 兩大主角分別大顯身手。昨晚一集，曉晨、梁曦再度同框兼上演槍戰，一人分飾兩角的娜姐受訪時坦言最怕頭髮亂了：「我演完家姐，之後要再拍一次妹妹嘅戲，打完一輪頭髮亂晒，個妝花晒，之後又要化番靚妝，時間又緊迫，同埋演姊妹相逢嘅心情好複雜！」昨晚另一亮點，變節成為梁曦手下的龍少（陳少邦飾）與 Bosco 埋身肉搏，少邦更差點以電線勒死 Bosco，少邦受訪時回想拍攝前也做足準備：「我有預先拉筋，同 Bosco 近年冇拍打戲，但佢好好身手冇整傷我，武指都問我哋做唔做到呢啲動作先度畀我哋，最後拍得好順暢！」
揸槍揸到隻手冇知覺
《叠影》在今（7 日）晚播出大結局，最期待的畫面要數曉晨與梁曦兩姊妹在貨𨋢以手槍互相對峙的壓軸「無間道式」對峙！周秀娜受訪時自言該幕戲印象深刻：「我要演晒兩姊妹，嗰場戲淨係換衫都換咗幾次，加上梁曦要解釋點解設局攞曉晨身份，同埋又要發洩情緒，表現癲癲哋嘅狀態！我又拍咗好多 take，揸槍之餘仲要兼顧做戲好攰！」娜姐坦言揸槍揸足一日消耗極多體力：「一路都揸住槍冇放低，嘩！真係好攰，即係你一路要 hold 到個姿勢，每次 NG 後放低支槍，隻手好似冇咗知覺。」她並指由於貨𨋢面積細，預留位置打燈及設置攝影機也很難搞：「hold 住部貨𨋢都搞咗好耐，有時有人落貨又突然有聲，所以拍攝都有困
難。」娜姐特別預告在貨𨋢對決有玄機：「導演特登喺呢個位置拍，究竟家姐定妹妹會開槍？邊個會冇事？呢個係導演特登設計！」
談到姊妹持槍對峙一幕有幾分似電影《無間道》中梁朝偉、劉德華的天台對峙戲，周秀娜說：「《無間道》咁經典，大家睇到呢啲場面當然會諗起套戲，我知道導演好鍾意《無間道》，唔知係咪特登致敬呢？」至於大結局其他重點，自從梁曦霸氣回歸兼被揭是金先生一手栽培的金夫人後，她先殺害沈飛飛（朱鑑然飾），再耍計令晟杰、曉晨陷入困境，究竟今晚曉晨能否避過一劫？深愛着曉晨的晟杰和文諾亦會決一死戰，最終曉晨情歸何處？密切留意今晚播出的《叠影》大結局。
