神耆小子｜冼靖峰暖男魅力全開，網友狂讚「一多CP」完美匹配！

而一鳴聽到多多食物敏感背後的可憐故事後，即出動「暖男三式」冧爆多多！第一式，一鳴先是承諾多多會照顧她：「以後你發現自己食物敏感時就即刻搵我，第一我知道敏感個樣係點，唔會畀你嚇親，第二我知道你啲藥放喺邊，可以即刻搵畀你，第三我住你屋企隔籬，可以即刻撲過嚟救你。」第二式，一鳴為多多設計了「專屬求救 Sticker」。第三式，一鳴化身「人肉攬枕」陪多多看電視，多多繑着一鳴手臂入眠，冧豬指數超錶。Archie 和 Yuki 組成的「一多 CP」深受網友喜愛，兩人一高一矮又同為唱得之人，非常匹配，網友留言：「呢對最萌身高差又幾襯」、「靚仔靚女，唱歌又 OK 喎。」

鄭則士再拍無綫劇全因珍姐

鄭則士（Kent 哥）早前接受無綫娛樂新聞台主播潘盈慧主持的節目《星光路上》專訪， 講到相隔 5 年再拍劇，Kent 哥透露全因曾勵珍：「珍姐話你好耐冇拍嘢喇喎，我話係呀，佢話有劇本搵你，我即刻搖頭擺尾話好應承佢。」Kent 哥指畢竟5 年沒有再拍劇，他開始時曾擔心自己跟不上節奏，最後想到以「殭屍理論」解決：「我一望完演員名單就覺得啱喇，有血可吸，最後生嗰個係 24 歲冼靖峰，先吸佢啲熱血，滾到澎澎聲嘅，跟住再睇有樊亦敏、曹永廉、蕭正楠，全部後生過我，圍繞住一班咁有熱血嘅演員工作，我就吸晒佢哋啲熱血，翻新晒自己啲殭屍血，我覺得呢次係成功嘅。」

笑言自己「休而不息」

Kent 哥點名大讚好拍檔冼靖峰：「佢好乖，佢好學、謙卑同埋有天份，天份對佢做演員好有幫助，好明顯睇到個劇出嚟之後，唔止係對我，佢同阿蕭嘅互動，就算喺屋企三個人嘅戲，佢一啲都唔喺下風，而係成為三個人嘅一份子。呢個係需要有天份，因為佢咁熱血，我咪生猛囉！」談到近年生活，Kent 哥自言是「休而

不息」：「疫情嗰 3 年，我早早起身飲杯咖啡，等我老婆起身同佢去買餸，買完餸之後夜晚等煮飯，因為冇地方好去同埋又唔想染病，於是乎生活變得好簡單，唯一進步咗嘅可能係我嘅廚藝。」想知道更多相關精彩資訊，敬請留意 www.tvb.com 。