約埋班Friend遊香港｜江美儀打Golf出事滿臉血痕麥包大爆祕戀經驗

今晚播出的最後一集，四位主持首站去到灣仔海濱長廊坐「鴨仔船」遊維港，之後陳浚霆帶江美儀和麥包去到荔枝角一個商場玩室內高爾夫球，美儀期間自爆出事經歷：「我以前都打過，但受過傷之後就冇再掂過！」美儀續指着面上的傷疤說：「有一次喺澳洲參觀高爾夫球場，當時有個 6 呎高嘅外國人用最大嘅球杆打緊，佢打唔中個波但打中咗下面舊木方，之後個杆個頭向後飛，我架車啱啱駛過就打咗落我塊面度，成塊面都係血！」美儀又指同場的媽媽嚇得不知所措，而她出事後開口第一句就是「我有冇毀容？」幸好最後沒有大礙，美儀坦言：「依家仲有少少黑印喺度，我做咗好多次 Laser㗎喇！」

麥包之後孖住滕麗名搭纜車上山頂，兩人望着維港靚景趁機各自大讚另一半。麥包談到與太太拍拖 8 個月便結婚，他說：「我識咗佢三年，當時大家嘅外表唔係大家想要嗰啲，我鍾意眼大大、短頭髮，但相識咗幾年之後，發現佢內在美、性格都係我想要嗰種。」更大拋愛情經：「永遠都係要等待先有最好嘅果實！」與老公愛得甜蜜的滕麗名則分享夫妻相處之道說：「鬧交唔會過夜，第二朝起身就要錫錫㗎喇！」

陳浚霆大膽直指江美儀最 Mean

節目尾聲，四位主持合體 Glamping，大玩遊戲互選最 Mean、最麻煩、最長氣之

人，由「街僮」升呢成「街霸」的陳浚霆竟大膽直指美儀最 Mean！最後四人BBQ 圍爐談及《街市遊樂團》起源，美儀自爆當初自己其實冇份做主持。想知他們當年最終如何「組團」成功？密切留意今晚播出的《約埋班 Friend 遊香港》。