靈戲逼人｜龔嘉欣SexyDance誘惑張振朗 吳子沖大嘆喊戲難度高
靈戲逼人｜龔嘉欣SexyDance誘惑張振朗
繼《新四十二章》Lisa 上身跳勁舞後，龔嘉欣這次再度挑戰 K-pop，雖然同樣以搞笑為主，但風格卻由有型變成性感。談到相關場口，龔嘉欣以「一味掛住笑」概括拍攝情況：「拍嗰陣最難係忍笑，我哋有同導演研究呢場戲誘惑同放電嘅尺度，例如係咪要撥吓頭髮咁，但最終都係大家不停係咁笑。」
靈戲逼人｜吳子冲：「喊到鼻水都出埋嚟」
另繼上周阮嘉敏及劉芷玲，本周再有年青演員彈出，就是飾演阮浩棕好友傑仔的吳子冲。前晚（13 日）一集傑仔因被好友阿東（阮浩棕飾）誤解退出戲班，深感不捨的傑仔向若琳（阮嘉敏飾）訴苦期間，憶起當日摯親離世時阿東如何安慰及陪伴自己，解釋了傑仔為何願意為阿東默默付出。原來該場是子冲入行五年首個爆喊戲，他在 IG 上載劇照及留言：「對於喊戲，我係完全冇信心，當時真係冇諗過可以喊到鼻水都出埋嚟，橫隔膜又抽筋。」由於傑仔角色單純、善良又思想正向，在網上吸獲不少正評，讚爆喊場面感動之餘，亦讚子冲做得好。劇中演員亦封傑仔是全劇最好玩角色，皆因可塑性高。
靈戲逼人｜吳子冲為拍喊戲黑面24 小時
吳子冲事後受訪時指由接到劇本知道要拍喊戲已開始擔心及緊張，拍攝前更刻意黑足 24 小時面及「與世隔絕」；談到拍攝感受，子冲笑言是講對白很難：「自己睇番出街係覺得唔係做得十分好，喊戲真係好難，難在喊得出只係第一步，然後我發現原來喊住講嘢係好難，因為條氣會抽搐，好易會好似口齒不清咁，希望下次可以講番清楚啲對白。」他又感激媽咪陪自己看了該幕兩、三次仍忍不住眼濕濕。
靈戲逼人｜吳子冲揭「傑仔」長期戴帽之謎
談到劇中好友阮浩棕，吳子冲透露二人私下亦經常出雙入對，並於劇集開拍前已約出來對劇本培養感情；吳子冲又很感激張振朗給了他不少貼士：「佢成日叫我唔好諗太多同相信感覺，叫我唔好咁理性。」吳子冲又指是次是首度飾演傻仔，為了更神似，監製建議他戴眼鏡，吳子冲更順道揭曉傑仔長期戴帽之謎：「因為傑仔好想撞鬼，咁人有三把火，咪戴帽遮住一把，加埋個斜孭袋，就成為咗傑仔嘅標誌 。 」
