馬時亨香港情 譚詠麟大球場風波難忘張國榮撞衫尷 譚詠麟^風波^張國榮^撞衫尷尬

馬時亨香港情|譚詠麟大球場風波難忘張國榮撞衫尷尬校長化解危機

tvb娛樂

廣告

由馬時亨主持的訪談式綜藝節目《信和集團呈獻:馬時亨 香港情》,昨(27 日)晚翡翠台播出第六集,主題是「音樂情懷」。

馬時亨是集邀來縱橫樂壇半世紀的譚詠麟(校長 Alan)擔任嘉賓,還請來有「民歌王子」之稱的區瑞強(Albert)擔任客席主持。貴為樂壇校長的 Alan,節目中勸勉後輩「千祈唔好怕蝕底,能夠喺台度亮一亮相都係好」,隨即引發 Albert 大爆當年紅透半邊天的校長、連《香港早晨》錄影也不放過,Albert 說:「之前許冠傑係好難訪問到佢,佢直頭唔上電視。但校長啱啱調轉,咩節目都去,下午茶又去,最離譜係《香港早晨》!」校長聞言笑謂:「好記得要(朝早)四點幾入去化妝準備。」並謂只要亮相節目能幫到幕後人員,他都樂意抽空配合,Albert 聞言即大讚校長:「所謂形象唔係報紙講點點點就係,係要真實人哋親身經歷過,先會覺得:『你真係 ok 喎』。」

感恩樂迷冇詐型

校長又憶述當年與好友張國榮出席「東京音樂節」時,因撞衫引發笑話,自己因而情急智生「爆肚」化解危機,校長謂:「我哋一到埗有個記招,咁我同 Leslie(張國榮)一出𨋢,我哋成件粉紅色嘅外套係一模一樣,衫褲又同一 Set 顏色,我哋自己都係咁喺度笑。但當時有記者嘛,我就即刻攬住 Leslie 話”We are Hong Kong team。」見慣大場面的校長,還大談 1994 年的「大球場細細聲演唱會」風波:「之前有啲外國歌手嚟演出已經引發好多投訴,所以我場演唱會係備受矚目,臨演出前嗰個禮拜不斷有消息話『唔畀唱、唔畀開』。嗰時我每日出街,都係要面對超過三百個中外記者(採訪),係國際新聞嚟。」校長續指為了解決噪音問題,當年專誠添置了價值近二千萬的器材,但仍為現場很多樂迷大部分時間基本上聽不到任何音樂感到歉意及感恩,校長謂:「嗰三晚觀眾係坐滿,佢哋完全冇投訴,仲要自得其樂咁喺度買嘢食、買嘢飲,我真係好感動。」

譚詠麟突襲區瑞強除佢頂帽

而香港填詞人鄭國江昨天(27日)舉行了第3場《50+2周年詞名一生演唱會2023》,有唔少演出嘉賓,包括陳美齡、張德蘭、林志美、陳潔靈、區瑞強、譚詠麟等等。有留意都知道歐瑞強戴帽戴了很多年,昨天他與譚詠麟同台時,竟然畀譚詠麟當眾扯甩頂帽,歐瑞強反應很快立即搶回頂帽,有網友睇到呢一Part放上討論區討論,指譚詠麟除人頂帽好冇品。

馬時亨香港情 譚詠麟大球場風波難忘張國榮撞衫尷
(圖片來源:討論區留言截圖。)
馬時亨香港情 譚詠麟大球場風波難忘張國榮撞衫尷
(圖片來源:YouTube)
馬時亨香港情 譚詠麟大球場風波難忘張國榮撞衫尷
(圖片來源:YouTube)

撰文:東方新地圖片來源:TVB

讀者留言