記招足本錄音訪問劉鑾雄「護妻」為甘比開記招闢傳言怒斥「賤人」搵打…

「大劉」劉鑾雄今日急call下午3點半召開記者招待會，回應網上遺囑風波、老婆甘比投資巨額虧損傳聞等，吸引超過半百記者到場。戴住口罩嘅大劉由工作人員陪同下現身，行埋位先企起身畀傳媒影相。

記招一開始，大劉中氣十足、怒斥「賤人」愈嚟愈離譜，又謂好後悔使少少錢幫咗個「賤人」「應該由佢破產！」當初只係唔想仔女心靈受損而出手幫助，但點知助長「賤人」一有錢就搵網上打手，甚至請周刊總編輯作嚴重失實、造謠嘅報道，例如傳佢就嚟死、換腎結婚傳言等。

是日開記招全因忍無可忍，大劉自爆曾半夜11、12點收「賤人」托律師送嚟嘅民事傳票，為保護屋企人，還甘比公道，所以唔理老婆勸阻，即使傷身都要企出嚟回應。有記者問到係咪同呂小姐有關？大劉笑話「我冇講邊個，你唔好捉蟲！」

大劉會上再三澄清冇更改遺囑、甘比冇投資巨額虧損，相反喺投資藝術品方面，幫佢賺咗200億港元，更護妻指「從來冇損失，如果有損失，都係我自己。」佢又詳談財產一早分配好，問到會唔會分畀前妻嘅子女？大劉直言唔方便回答，暫時有三大可能性，但最終怕被「賤人」所貪，更列舉其貪婪例子。記者會約歷時一個鐘，大劉近5點離開，即刻送上足本錄音訪問！

訂閱 Viu1HK YouTube Channel: https://bit.ly/3lYFNLW

觀看更多精彩內容：https://www.viu.com