《年少日記》奪兩金馬 爾冬陞起哄催婚卓亦謙獲政務司副司長爸爸讚叻仔…

港片《年少日記》喺台灣金馬獎連奪「最佳新導演」及「觀眾票選最佳影片」兩獎，成績優異。監製爾冬陞、導演卓亦謙，仲有參演嘅黃梓樂同小野盧鎮業，今日出席記者會接受訪問，導演卓亦謙話自己向來性格悲觀，今次得獎都要時間消化一下，爾冬陞即起哄叫佢不如求婚，導演好認真答其實一早plan咗諗住結婚，但就唔係呢個moment ，情況爆笑！

提到卓亦謙嘅爸爸原來係現任政務司副司長卓永興，佢話被發現呢個秘密冇壓力，爸爸份人比較傳統，冇特別探討學生自殺咁嚴肅嘅劇情，但就有讚佢叻仔。問到戲中鄭中基嘅嚴父角色，係咪爸爸寫照？想知卓亦謙點答就要睇，不過答完連爾冬陞都拍一拍佢讚「答得好」。

老來得女嘅爾冬陞，就話要學習點做一個好爸爸，從囡囡身上仲學習到一樣嘢添。至於「哥哥」梓樂同「弟弟」盧鎮業喺戲中只有一場戲，但為更了解對方，會互相探班，佢哋希望將來有機會合作演大賊，想知邊個做大佬？就要睇嘞。

訂閱 Viu1HK YouTube Channel: https://bit.ly/3lYFNLW

觀看更多精彩內容：https://www.viu.com