婁峻碩拖父母女友來港開騷 喺Tyson Yoshi面前唔敢除衫

Viu1HK報導：Shou婁峻碩嚟緊星期三將撇低五堅情幾位兄弟，喺麥花臣舉行個人音樂會。今日佢仲率先喺尖沙咀舉行簽唱會，數百「婁力士」逼爆成層商場，仲唱咗兩首歌嚟冧歌迷！練咗一副好body嘅婁婁，就話今次演唱會唔會除衫，因為企喺嘉賓Tyson Yoshi隔離，太大對比咁話，噢小編好失望呀！不過佢話已有心理準備陪Tyson接胸圍。第一次喺海外開個人騷嘅婁婁，話父母同女友焦凡凡都有同行，仲話父母隱藏咗喺Fans堆裏面添！