金髮君如自稱️小仙女啱晒小鮮肉 MC張天賦被指做騙子不二人選
廣告
Viu1HK報導：吳君如、MC張天賦、吳瑞庭、陸維德，以及許寶恆等，早排出席新戲《我談的那場戀愛》開鏡儀式。君如同MC均以角色造型現身，君如今次唔使再演媽媽同姑媽呢類角色，反而以Pink lady姿態登場，飾演一個充滿時尚感嘅婦科醫生，仲染咗一頭金髮添！至於MC就剪咗齊蔭頭，飾演一個網騙集團嘅騙子。君如同MC未埋位前有唔少互動，搭膊頭又自拍咁，friend到爆。對於連續兩齣作品，先後同呂爵安、MC呢啲偶像小鮮肉合作，君如就笑指自己其實係小仙女，所以同小鮮肉合作係好合理咁話。
原來今次係君如親自向監製陳慶嘉同秦小珍推薦MC演出，指身邊好多女性朋友都係MC紛絲，自己亦非常欣賞佢喺MV同舞台上嘅表演，「嗰日我去睇佢紅館演唱會，仲記得坐頭排全程兩個鐘抬頭欣賞，但都聽到我如痴如醉，佢係有種攝人舞台魅力，後來再同佢食飯，感覺佢成個人好自然，呢個電影角色非佢莫屬。」MC得到影后加持兼推薦覺得受寵若驚，「好開心獲邀請，自己都冇考慮太多就接演，始終今次係第2部電影，總之咩角色都想試，多謝君如選中我。」君如連番讚美MC，覺得佢個樣得，唱又得，演網騙集團騙子去𠱁女生簡直係不二人選啊！
網民點睇？
好期待睇呀👍👍👍🤞💖💖💖✌️✌️✌️
好期待😍😍😍😍MC
呢套戲應該幾好笑😂
超級期待呀❤❤️❤️❤️❤️
MC造型so cute
訂閱 Viu1HK YouTube Channel: https://bit.ly/3lYFNLW
觀看更多精彩內容：https://www.viu.com
撰文：東方新地圖片來源：Youtube@Viu1HK資料或影片來源：Youtube@Viu1HK
