尹光率過千巿民倒數迎2024 超熱鬧 笑認2023賺得多但冇數錢新年要身體…

尹光、霍哥、前「亞視一姐」阿儀等今晚現身觀塘海濱嘅「炒旺香港」海濱倒數音樂會暨除夕市集。光B一出場就High爆，同全場過千Fans唱《荷里活》，勁正！

倒數完，正式踏入2024年，光B好認真同台下觀眾講，「唱呢首歌要好靜好靜」，然後全場真係靜晒，光B威力真係勁。唱完《Dear Myself》，再領唱《掂呀》同《你阿媽大減價》，開心就係咁簡單。

光B話噚晚攞咗《新城勁爆頒獎禮2023》嘅潮爆神級歌王大獎勁開心，仲話係少有嘅音樂獎。，仲希望聽晚攞埋叱咤添！問光B今年是咪賺好多錢？佢話係但都謙爆話冇數錢，只希望身體健康喎！

而是夜做司儀嘅霍哥話拳賽之後都已經肥返3、4kg，又話希望之後可以同光B有合作。講到微辣阿晶媽媽post手寫信反擊前老細六毫子，霍哥話唔想再回應，咁又係，新年新希望呀嘛！

網民點睇？

尹光可能一生都預料唔到自己會咁紅😂❤🎉

訂閱 Viu1HK YouTube Channel: https://bit.ly/3lYFNLW

觀看更多精彩內容：https://www.viu.com