游學修讚Dee@ERROR最有義氣 李麗珍冧爆任達華️暖男行為
廣告
Viu1HK報導：游學修、麥沛東及太太趙雪翎、李麗珍、蝦頭楊詩敏、谷德昭、導演何爵天及莊梅岩等今日喺葵青劇院出席《第31屆香港舞台劇獎》頒獎禮。憑《我們最快樂》獲提名最佳男配男（悲劇/正劇）嘅游學修，話有份入圍已經好開心，嚟緊佢都同黃秋生合演舞台劇，仲透露對方認同自己嘅表現就滿足。講到佢以男團身份出歌，仲搵埋好兄弟Dee@ERROR幫手排舞，游學修話：「原來已經第三次搵佢，次次都一叫即到。」
另外，為大會擔任頒獎嘉賓嘅李麗珍聲沙沙現身，不過大家唔使驚，唔係中招只係聲帶發炎啫，所以依家講嘢都要盡量細聲啲，快啲養好身體，因為嚟緊又要入劇組同任達華華哥一齊開工！李麗珍笑指雖然上次同華哥合作係20年前嘅事，但係仲記得華哥係暖男：「華哥好好，嗰時每個女演員，佢都會買埋櫈畀我哋坐，好細心。」
網民點睇？
香港需要多啲類似Dee修嘅crossover💪
加油 🎉 #N9 #Error
感謝報道 #N9 #超級勁爆叱吒風雲金曲 題材好新鮮，好好聽，而MV畫面、造型好型，好鍾意，期待N9繼續出歌❤️
感謝報道 #N9 #超級勁爆叱吒風雲金曲 好好聽，而MV畫面、造型好型，好鍾意，期待N9繼續出歌#9仔粉
N9 Neo 好靚仔❤❤ #我是九仔粉
N9 正
訂閱 Viu1HK YouTube Channel: https://bit.ly/3lYFNLW
觀看更多精彩內容：https://www.viu.com
撰文：東方新地圖片來源：Youtube@Viu1HK資料或影片來源：Youtube@Viu1HK
