溫碧霞真空現身首映 李麗珍搣甩20磅鬥索 楊偲泳演少女版 林千渟床戲️…

電影《我們的十八歲》舉行首映，眾演員Irene溫碧霞、李麗珍、林千渟、Renci楊偲泳、狄龍、麥子樂、車婉婉等現身。身兼監製嘅Irene招牌真空露香肩，指希望之後可以拍更多以女性為題材嘅電視，又話好開心可以再同好姊妹珍妹一齊拍戲，勾起好多小時候嘅回憶！

珍妹指二人識於微時，搞笑話細個曾被Irene因一件事呃咗幾個月添！電影喺疫情時期開拍，珍妹直言當時屋企有事致狀態不佳，但Irene叫到唔會托手踭，勁有義氣！同時見珍妹變弗，佢開心話瘦身成功，暫時戰績係搣甩20磅，主要靠減食、做平板動作！

飾演後生版嘅千渟、Renci話拍完套戲再friend咗，講到前者喺戲中有大尺度嘅床戲演出，千渟話未算底線，仲笑謂唔怕畀屋企人睇「媽媽細細個睇到大，咩都睇過！」加上對手麥子樂喺床上戲方面經驗豐富，所以拍嗰陣都好放心，而Renci就抵死笑話已經買定爆谷等睇好戲！佢哋仲有分享拍攝嘅事，例如演繹前輩細個有冇壓力？咁啱千渟正日生日就係新戲上映大日子，佢又有啲咩生日願望？即刻送上！

訂閱 Viu1HK YouTube Channel: https://bit.ly/3lYFNLW

觀看更多精彩內容：https://www.viu.com