港、台男神肌肉對決？劉德華點名要彭于晏騷肌謝票‍️朱鑑然跟機接受…

電影《潛行》今晚舉行慈善首映禮，監製兼主角劉德華、林家棟、Eddie彭于晏、劉雅瑟、朱鑑然、談善言、鄭則士、任達華等晒冷出席！其中兩位「一月壽星」朱鑑然同劉雅瑟獲華仔唱生日歌兼收花，超幸福！

華仔笑言等演大反派機會好耐，今次係過足戲癮！事隔10年再同bro家棟合作，華仔畀對方100分滿分，而家棟就感謝華仔畀咗個「囝囝（黃梓曜飾）」佢，又笑話今次角色比較情緒化，感覺似考牌，同時首次接拍由華仔監製嘅作品，爆華仔要求極高！

男神彭于晏指今次同華仔、家棟對戲好大壓力，但好幸運可以參與到電影拍攝！講到謝票派福利，華仔跳返入監製身份，直言有票房壓力，搞笑點名彭于晏派福利，滴住汗嘅男神爽快應承騷肌，今次fans有福了！咁另一男神朱鑑然亦唯有「跟機」接受挑戰，呢場男神s肌肉battle靠影迷實現啦！想知佢哋喺拍攝上有咩難忘事？邊場戲拍足12日？華仔自爆入紙紅館申請開騷？有答案！

訂閱 Viu1HK YouTube Channel: https://bit.ly/3lYFNLW

觀看更多精彩內容：https://www.viu.com