陳湛文拍打戲被導演彈鐘?️打到人頭腫要與Lokman接受特訓

Viu1HK報導：Peter陳湛文喺懸疑片《命案》入面飾演一位物理治療師，角色嘅行徑相當極致令到戲中其他角色有好難忘嘅遭遇。Peter喺戲中亦牽涉到一啲打鬥場面，佢慶幸自己年青力壯，但係Peter真正拍打戲時就壓力山大，仲驚打得唔夠力俾鄭保瑞導演彈鐘。Peter有次仲打到師姐黃呈欣頭腫兼嘔吐，結果就要孖埋 Lokman同伍詠詩一齊上武術指導嘅訓練班。Peter對於打鬥戲未係好熟悉，但當年佢喺《三夫》嘅表現就令人印象深刻，咁唔知佢enjoy《命案》定係《三夫》嘅動作戲多啲呢？