Zpecial獲黃偉文️填詞以為墮騙局 康聰 煒賢無奈慘被異地戀擊敗

Viu1HK報導：上年加入新公司嘅樂隊Zpecial喺西九開完騷後，話咁快4月又喺麥花臣舉行音樂會。早排佢哋亦推出新歌《Her》，Zpecial擅長刻劃都市戀愛故事，有別於以往傷感的mood，今次首歌嘅風格比較甜蜜、浪漫；而歌詞方面，佢哋就請到wyman幫手，四位當初知道可以同大師合作真係難以置信，仲以為係騙局。Zpecial寫歌嘅題材大多圍繞住自己嘅生活故事，原來煒賢好早已經建議用《Her》 呢部電影嘅題材寫關於Long D嘅故事，佢嘅感受咁深，斷估都係佢嘅親身經歷，而主音康聰亦分享咗自己嘅異地經歷，但好可惜都係失敗收場。至於今次個音樂會，Zpecial用城市作為主題，分享佢哋身邊發生嘅事情。相隔三個月再開騷令佢哋最開心嘅，一定係終於可以見到Fans個樣，為咗今次個騷，佢仲準備驚喜送俾Fans啊！