女優

女優一日工作生活全面睇 朝6晚9點只啪啪啪咁簡單…

小編就唔多熟悉日本成人動作片啦,不過可能好多人誤以為做女優好輕鬆,瞓喺度啪啪啪賺大錢,但其實背後的辛酸實在不足為外人道!日本女優水川堇(本名水稀美里)接受一日本綜藝節目的訪問,貼身追蹤其一整天的工作流程,女優朝6晚9的生活,又豈是熒幕後睇片的觀眾所能理解?

撰文:東方新地|圖片:Instagram、網上圖片

23歲人氣女優水川堇

現年23歲的水川堇,本名叫水稀美里(水稀みり),2016年時於成人動作片界初登場。水川有著精緻外貌,細細粒但擁有激凸身材,加上一身健康膚色,輕易就迷倒一大班影迷!片就睇得多啦,但其實對於A片拍攝過程、或者女優的日常生活,大家又知多少呢?

女優
小編就未睇過啦!

女優一日工作生活全面睇

水川堇近日接受AbemaTV的網路節目「給与明細」的訪問,貼身追蹤其一整天的工作流程,令觀眾可以重新認識女優的生活!節目中水川堇相約劇組早上7點見面,即係大約6點就要起身,8點前就要到達拍攝現場。

女優
早過好多打工仔…
女優
未化妝,冇咩精神!
女優
原來拍攝日子唔一定有專車接送,有時都要自己搭車去拍攝場地。

到達拍攝場地

女優
原來拍攝場地都係一啲普通住宅!行過都唔會估到裏面拍緊…
女優
水川去到現場都忍唔住要抖一抖!
女優
拍攝之前化個靚妝。

化完妝未開工

唔係化完妝就埋位啪啪啪,由於雙方會有直接身體接觸,拍攝前女優男優出示證件確認身分,要檢查雙方的身體狀況,確定係沒有性病、傳染病等,同時都要證明雙方係在自願的情況下拍攝。簽署好拍攝同意書,先可以開工!

女優
影低護照,證明係由本人簽署。
女優
女優同男優要互相檢查!
女優
女優每個月都一定要做身體檢查。

先拍封面及海報

好啦簽完文件,大家最期待的畫面… 都係未出現的,因為第一步係先拍攝靜態的封面及海報。由呢個側面睇到,水川堇著上白色恤衫不過似乎冇扣鈕,酥胸半露,封面拍出來一定相當誘人!

「寢取系」正式開拍

好啦之後真係到拍攝動作場面啦,據知當日的作品題材係「寢取系」(類似係老婆瞞著老公,跟第三者發生關係),會有兩場床戲分開上下午進行。

女優
呢位叔叔就係第三者?
女優
據知呢個7人的現場配置,都算係相當豪華㗎啦!

中場休息

拍完上午部分的動作戲,1點食個便當,點食完都唔係可以Hea,要襯空檔背對白。水川就透露自己比較鍾意自由發揮,因為演出會自然啲咁話!

女優
最後一場床戲啦!

辛苦女優了

夜晚9點,拍攝工作終於結束,不過之後卸妝、梳洗同食飯等等,返到屋企都起碼12點,辛苦晒了……

點只啪啪啪咁簡單…

水川堇喺節目中透露,其實當日的拍攝工作已經算係比較輕鬆。啪啪啪的艱辛拍攝過程、過著朝6晚9的生活,但原來以水川堇一個月拍攝約10部作品去計算,每一部作品平均片酬只得20萬日元(約1萬4千港元),身體付出與收入似乎唔成正比… 大家以為個個女優都好似三上悠亞般賺取天價片酬,實在係FF太多啦!

睇完節目後,大家明白到女優平時幾辛苦、工作態度幾咁認真,大家以後睇片時都好應該懷著一份敬意,有機會就幫襯吓正版啦!

關鍵詞
女優