女優

日本女性最愛的女優 另一身份係知名暢銷作家?!

日本成人片女優大家睇得多啦,但每位女優背後可能都有個不為人知的故事,大家喺片中係難以想像的。以下介紹呢位係日本女性評選出最受女性歡迎的女優,而除了在鏡頭前動作連連外,佢仲有另一個作家的身份,小說更曾被改編為電影,入圍第30屆東京國際電影節!呢位女優就係紗倉真菜

撰文:東方新地|圖片:Instagram、電影劇照

日本女性最愛的女優-紗倉真菜

1993年出世的日本女優紗倉真菜今年25歲,18歲讀高中時已入行,至今已經入行七年,紗倉真菜有著可愛甜美的樣貌,身形嬌小不過上圍豐滿,除了係唔少男士睇A片至愛的類型,更是日本女性評選出最受女性歡迎的女優!男女通殺,果然唔簡單。

另一身份係知名暢銷作家?!

不過紗倉真菜除了在鏡頭前展現誘人身軀及大戰連連外,其實佢仲有另一個身份,就係一個作家!原來紗倉自小就鍾意寫作、睇書,最喜歡的作家為村上春樹。雖然成為女優後工作辛苦又忙碌,不過紗倉仍堅持每日花幾個小時去寫作,相當有毅力!

四名女優作主角的《最低》

去到四年前,紗倉真菜創作了第一本作品《最低》,《最低》以四名女優的視角出發,帶出女優在戀愛、家庭甚至性生活相關的故事,故事主人翁有的為男人奉獻一切、有的婚姻不幸福、有的因為母親是女優而從小被欺淩等。

改編成《AV女優的告白》

《最低》剛出版時就攻佔了日本暢銷書排行榜,後來更被日本奧斯卡提名最佳導演瀨瀨敬久看中,去年改編成電影 (香港於2018年8月已上映,譯作《AV女優的告白》)。電影亦入圍第30屆東京國際電影節。

《AV女優的告白》劇照
《AV女優的告白》劇照

紗倉真菜第一本小說名為《最低》、第二本小說名為《凹凸》,另有自傳《成人片女優幸福論》等數本作品。

踏上女優之路-與爸爸有關?

咁到底係咩驅使紗倉真菜年紀小小就踏上女優之路?原來係14歲那年,紗倉翻看爸爸的影片時,無意中播放到成人動作片,當時佢深知自己唔應該睇,但最後都係繼續睇落去。呢個第一次,令紗倉見識到原來女性身體可以拍得咁靚,自此對呢個行業產生嚮往。

到後來紗倉真菜加入SOD (日本一成人片片商) 成為女優,佢心裏都做好準備會和媽媽發生衝突,但估唔到佢媽媽知道後雖然吃驚,但並未有阻止,更鼓勵女兒努力去做想做的事!

睇女優作品就大部分男士都鍾意,但現實中始終有唔少人對女優有偏見,可能令佢哋難以好似普通人一樣識朋友、拍拖、結婚?又有幾多人可以好似大家的「老師」蒼井空咁過著幸福美滿的人妻生活?

延伸閱讀:

女優一日工作生活全面睇 朝6晚9點只啪啪啪咁簡單…

現年23歲的水川堇,本名叫水稀美里(水稀みり),2016年時於成人動作片界初登場。水川有著精緻外貌,細細粒但擁有激凸身材,加上一身健康膚色,輕易就迷倒一大班影迷!片就睇得多啦,但其實對於A片拍攝過程、或者女優的日常生活,大家又知多少呢?

女優
小編就未睇過啦!

女優一日工作生活全面睇

水川堇近日接受AbemaTV的網路節目「給与明細」的訪問,貼身追蹤其一整天的工作流程,令觀眾可以重新認識女優的生活!節目中水川堇相約劇組早上7點見面,即係大約6點就要起身,8點前就要到達拍攝現場。

女優
早過好多打工仔…
女優
未化妝,冇咩精神!
女優
原來拍攝日子唔一定有專車接送,有時都要自己搭車去拍攝場地。

到達拍攝場地

女優
原來拍攝場地都係一啲普通住宅!行過都唔會估到裏面拍緊…
女優
水川去到現場都忍唔住要抖一抖!
女優
拍攝之前化個靚妝。

化完妝未開工

唔係化完妝就埋位啪啪啪,由於雙方會有直接身體接觸,拍攝前女優男優出示證件確認身分,要檢查雙方的身體狀況,確定係沒有性病、傳染病等,同時都要證明雙方係在自願的情況下拍攝。簽署好拍攝同意書,先可以開工!

女優
影低護照,證明係由本人簽署。
女優
女優同男優要互相檢查!
女優
女優每個月都一定要做身體檢查。

先拍封面及海報

好啦簽完文件,大家最期待的畫面… 都係未出現的,因為第一步係先拍攝靜態的封面及海報。由呢個側面睇到,水川堇著上白色恤衫不過似乎冇扣鈕,酥胸半露,封面拍出來一定相當誘人!

「寢取系」正式開拍

好啦之後真係到拍攝動作場面啦,據知當日的作品題材係「寢取系」(類似係老婆瞞著老公,跟第三者發生關係),會有兩場床戲分開上下午進行。

女優
呢位叔叔就係第三者?
女優
據知呢個7人的現場配置,都算係相當豪華㗎啦!

中場休息

拍完上午部分的動作戲,1點食個便當,點食完都唔係可以Hea,要襯空檔背對白。水川就透露自己比較鍾意自由發揮,因為演出會自然啲咁話!

女優
最後一場床戲啦!

辛苦女優了

夜晚9點,拍攝工作終於結束,不過之後卸妝、梳洗同食飯等等,返到屋企都起碼12點,辛苦晒了……

點只啪啪啪咁簡單…

水川堇喺節目中透露,其實當日的拍攝工作已經算係比較輕鬆。啪啪啪的艱辛拍攝過程、過著朝6晚9的生活,但原來以水川堇一個月拍攝約10部作品去計算,每一部作品平均片酬只得20萬日元(約1萬4千港元),身體付出與收入似乎唔成正比… 大家以為個個女優都好似三上悠亞般賺取天價片酬,實在係FF太多啦!

睇完節目後,大家明白到女優平時幾辛苦、工作態度幾咁認真,大家以後睇片時都好應該懷著一份敬意,有機會就幫襯吓正版啦!

關鍵詞
女優