麥紫莉

認拍AV係吹水 麥紫莉終道歉:希望大家原諒我

wp
現年20歲、擁有36G導彈身材的?模麥紫莉 (Chili),今年七月時高調宣布會到日本拍AV(成人電影),隨即一夜爆紅,job接job賺到笑。不過說好的拍AV呢?就一直未有落實,一日一日過去,唔少人都覺得Chili有「吹水」博出位之嫌。直到今日,Chili終於承認一切都係同前經理人公司炮製的宣傳橋段,只為上位,而Chili亦已經同該間經理人公司解約!換言之,假的真不了!

麥紫莉首名港女拍AV?

麥紫莉雖擁有36G激爆上圍,但一直只係個唔多出名的?模,不過七月時傳出佢八月將遠赴日本拍AV,成為第一位香港AV女優,就頓時成為風雲人物!據知Chili身世坎坷,父親早年病逝,媽媽則患有腎病需要長期接受治療,所以Chili中六畢業、打工幾年後把心一橫,決定下海拍AV養家!仲講到已經簽咗兩部片約啦!

一夜成名

話晒係「第一位」香港AV女優,Chili旋即成為風雲人物,全港大小傳媒爭相訪問。Chili每次接受訪問都言出驚人,一時自爆性史一時話唔怕同AV男優打真軍,之後講到似層層話自己學緊日文,又話自己日日睇AV補習,搞到全港男士都好期待幾時有得睇!不過每當被問及拍AV的詳情,Chili總係顧左右而言他,從來都冇透露過實際情況。

說好的拍AV呢?

麥紫莉成功出位後接下不少工作,又出寫真又做主持,job接job做到冇停手。但隨日子過去,說好的AV仲未拍,不過Chili每次出席活動都堅稱會拍,但就下月又下月、下月又下月… 於是大家都開始覺得 (又或者從一開始就覺得) 其實成件事係吹水,而Chili近月都改口風,話「要等公司安排」咁即係……

麥紫莉 認拍AV係吹水

直到今日,真相終於大白,Chili承認拍AV一事係老作,自己係唔會拍AV的!據知Chili的經理人公司其實係一間未有註冊的公司,聲稱Chili會拍AV都只係宣傳策略,而該公司近日出現財困,Chili已經與該公司正式解約。Chili接受媒體訪問時坦承鬆一口氣,因為一直以來都好驚被拆穿,答所有問題都係講大話,其實所以與性、AV有關的問題佢根本唔想答。

 

Chili又話自己入行兩年幾都冇人認識,所以先決定配合前公司宣稱會拍AV,依家紙終於包唔住火,Chili表示預咗大家當佢係「大話精」,預咗俾人鬧,但自己依然想喺娛樂圈發展,希望觀眾可以再接受佢。

「我希望大家可以原諒我」

Chili今早亦於社交網站留言,表示終於可以「做番自己,唔使任人擺佈」,雖然之前一次又一次講大話,但現時終於脫離枷鎖,立即向大家道歉!Chili又話接受咗前公司呢個策略後,自己同屋企人鬧交、出街及網上都被人指指點點、每次見記者都好驚。依家雖然好多人認識,但全無形象可言。最後來Chili希望得到大家原諒:「我希望大家可以原諒我,原諒我嘅不智,原諒我對大家嘅欺騙,原諒我咁遲先坦白,原諒我幻滅咗大家嘅夢,對唔住。」

 

全文完