剝光豬

6位TVB劇集剝光豬男星逐個捉 網民:咩都睇清光!

wp
話說,近日播出嘅《愛‧回家之開心速遞》中,63歲嘅陳榮峻有可能係多年演出中最破格嘅演出,皆因佢獻出咗首次螢幕全裸!不過,回想過去,TVB都曾經有幾位男藝員為劇集犧牲色相剝光豬,認真敬業!

撰文:東方新地|圖片:電視截圖、劇照、新傳媒圖片庫

嚴選6位TVB剝光豬男星

|陳榮峻

63歲資深演員陳榮峻喺《開心速遞》中飾演一個思想守舊嘅譚道德,劇情就講到佢喺屋企沖涼前唔記得拎毛巾同衫入浴室,於是唯有赤裸走出浴室!

該集一出街後,立即引嚟網民熱烈討論,唔少人就大讚陳榮峻呢個年紀都願意為藝術犠牲而喺螢光幕作全裸演出,激讚佢好搶鏡之餘,亦讚佢充滿喜劇感!

事後,陳榮峻太太吳香倫對於老公有破格演出表示唔介意,亦唔怕老公會被睇蝕,大力支持咁話,睇嚟日後陳榮峻喺拍劇方面應該會有更多大膽嘗試!

|黎耀祥 陳家樂

視帝黎耀祥同陳家樂都曾於劇集《逆緣》中剝光豬上陣,當時劇情講到飾演永年嘅黎耀祥被賊匪打劫錢包及全身衣服,而飾演定國嘅陳家樂就尾隨並出手相救,並為免永年出面醜人前,將身上衣物俾永年換上,自己只著一條孖煙囪!

|王浩信

講到出鏡祼露最多嘅一定會數到王浩信!35歲嘅王浩信曾經多次於唔同劇集中有祼露場面,就連TVB都曾經以「為何王浩信總是祼」為題,剪輯咗佢多年喺劇集嘅祼露場面!

王浩信曾於《EU超時任務》、《致命復活》及《不懂撒嬌的女人》呢3套令佢人氣急升嘅劇集中有祼露鏡頭!《EU》嗰次,王浩信仲要喺條大馬路中央只係著住條底褲狂跑,真係少啲勇氣都做唔到!

而喺《不懂撒嬌的女人》中,王浩信就一開始出浴鏡頭到街上全裸追唐詩詠所乘搭嘅小巴,更喺期間浴巾都跌埋,不過佢就大聲對唐詩詠講:「我蝕唔緊要,最緊要你唔好蝕呀!」,大sale暖男feel!

|張漢斌

最爆嘅莫過於TVB綠葉藝員之一嘅張漢斌,皆因佢於劇集《棟仁的時光》有全祼演出!當時,張漢斌飾演一個Mean爆嘅管理處主管,經常欺壓鄭敬基飾演拾紙皮嘅「光蘇伯伯」,袁偉豪就因睇唔過眼就懲罰佢剝光豬!

|張振朗

最近,TVB新劇《極度怪咖》開拍,唔少藝人都有份參與新劇拍攝,而31歲嘅張振朗就係其中一位。據知,張振朗為配合新劇造型將頭髮漂成白色,而且更有全裸跑步場面!

暫時睇拍攝花絮,見赤裸嘅張振朗不斷跑嚟跑去,唔知呢幕係會講啲咩呢?

即時回顧:

新劇《極度怪咖》演員造型

由林志華監製的大台新劇《極度怪咖》,早前舉行記招公開演員造型,演員陣容強勁,包括王浩信、張振朗、馮盈盈、高海寧、傅嘉莉、湯怡及石修等。見到各人造型都甚有新鮮感,馮盈盈有新髮型、長髮高Ling、白髮張振朗及四眼妹湯怡等。

馮盈盈換新髮型演淑女

今年最出位藝人之一的馮盈盈,今次為新劇換上新髮型,感覺好似乖女了不少!馮盈盈今次在劇中飾演一位斯文又溫柔的千金小姐,佢笑說角色同自己好貼近,可以演回自己淑女本色!大家點睇呢?

高Ling有床上戲

高Ling今次特別為角色駁長髮,原來係要配合劇中佢扮演女明星的百變造型,高Ling表示會同王浩信及石修哥有感情線,仲會同王浩信有場床上戲,色誘對方!

馮盈盈壓過高Ling?

根據無綫派發的劇集資料,見到馮盈盈的排名較高海寧「高一級」,似係榮升女一!FYY聽罷就話自己只係「女七份一」,七個女角色之一。至於排名問題,佢就話一定係因為高Ling係K字頭,而自己係F字頭。果然轉數快~

王浩信周旋七美女之間

最美華姐林宣妤

今次劇集七大女角中,仲有另一位甚有新鮮感的面孔,就係2017年中華小姐亞軍林宣妤!林宣妤被譽為最美華姐之一,不過加入大台後卻未有過任何演出,而被視為TVB在2019年的最強武器!相信來年大把機會見到佢~

華姐亞軍林宣妤 簽約後從未演出 成無綫2019年秘密武器?

雖然高質花旦買少見少,不過大家唔使擔心!因為兩位2017年國際中華小姐佳麗余思霆同林宣妤都已經係大台中人,余思霆最近都曝光率漸高,之前有份主持蕭正楠、曹永廉的《兄弟大茶飯》;而林宣妤就比較特別,其出眾外表絕唔比任何一位小花輸蝕,不過簽約至今從未有任何演出,可能有機會成為TVB 2019年的最強秘密武器?!

仙氣逼人賽前超級大熱林宣妤

1996年出世的林宣妤(Serene)今年只係22歲,來自馬來西亞霹靂州,於大學修讀食物及營養學系,另亦有擔任主持、代言及封面女郎等工作。林宣妤於Astro國際華裔小姐競選2016奪得冠軍、最上鏡小姐、全民女神三大奬項,在華姐決賽前已經係超級大熱,可惜最終只得亞軍!佢亦係繼楊秀惠後,第二個來自馬來西亞的華姐加入TVB大家庭。

林宣妤華姐決賽重溫:

吉隆坡美女

來自吉隆坡的林宣妤有着典型美女嘅大眼睛、白裏透紅肌膚加上一把飄逸長髮,身材修長、儀態萬千,甜笑時散發陣陣仙氣,如果真係有機會睇佢拍劇,小編一定晚晚開電視!(題外話,Serene啲廣東話都算講得幾好,拍劇應該聽得明!)

似Baby?似智孝?

當年有網民話林宣妤似Angelababy,又有人話佢似韓國女團少女時代成員允兒,而小編就覺得同韓國氣質女神宋智孝有幾分相似。似邊個就見仁見智啦,重點係似親都係靚女!

一位咁高質的靚女,簽約無綫後竟然從未有演出機會!唔通係TVB留作2019年的秘密武器?定林宣妤其實志不在此?

未拍劇先拍電影

林宣妤之前同羅仲謙拍過廣告,仲大讚對方靚仔!

另外睇番林宣妤幾年前的照片,雖然當時仍帶有幾分稚氣,不過已經係仙氣十足,天生麗質難自棄!


關鍵詞
全裸