17歲女初夜換iPhone 8 險遭三男推上床性侵?

大家都知道蘋果公司每次推出新一代iPhone,都會惹來全球粉絲追捧,內地甚至傳出有人願意為新電話賣腎、賣身?內地網紅「娜娜」早前發現有一位17歲女生為買iPhone 8而出賣初夜,為於是假扮買家安排該女生去到酒店進行交易,仲出動三個大漢假裝向佢性侵!呢個17歲妹妹即時後悔莫及驚到喊,而娜娜亦隨即現身將其痛罵一番,娜娜希望藉此片警醒時下青少年,唔好為一時物質慾望而出賣自己!

圖片:YouTube「娜娜很硬」短片截圖

為iPhone 8賣初夜

內地網紅「娜娜」不時喺其個人頻道「娜娜很硬」發布不同類型短片,題材都係探討社會上的種種不當行為,早前佢發現有女仔喺上出post,宣稱要為iPhone 8而賣初夜,於是決定好好教訓佢!娜娜假扮係老闆「錢總」的秘書,然後相約女生「小陳」(化名) 見面,小陳自稱係17歲學生,表示身邊好多朋友都買咗iPhone 8,自己想要又無錢,於是希望以2萬元賣處。

三大肥佬圍攻

之後娜娜相約小陳去到裝好鏡頭的酒店房,一位自稱係「錢總」的肥佬攞出一部全新iPhone 8,小陳即時放下戒心。點知錢總話帶咗幾個朋友嚟一齊玩,之後兩個赤裸上身的肥佬由洗手間步出,再加多個cameraman,四個大漢圍住佢!

被推上床無力反抗

小陳即時嚇到花容失色話要取消交易,但就被三個肥佬強行推到床上,合力捉住佢啲手腳,小陳無力反抗,只能夠不停尖叫掙扎,睇嚟即將慘遭性侵!

娜娜現身痛罵女生

此時娜娜終於現身,眾肥佬退開,娜娜隨即痛罵小陳一番,表示安排呢場大龍鳳係要佢「清醒清醒」,如果房內發生的一切係真的,「妳不就天天後悔了?」期間小陳一直無出聲,只係瑟縮喺床角落顫抖。娜娜坦言拍呢條片警告年青人唔好因為一時慾望,而做出令自己後悔一生的事。雖然唔少網民整條片都係事先安排,眾人的「演技」都略嫌生硬,不過似乎真係可以帶來一點反思?

關鍵詞
iphone性侵