Hello Pinkey

飲食界燈神Hello Pinkey收費曝光 網民恥笑:有錢收佢乜_都食!

近年有個其貌不揚、自稱「飲食界KOL」嘅中女叫Hello Pinkey,成日推介埋啲中伏嘅餐廳小食,不過佢個Page「Hello Pinkey周圍食」有成15萬個like,粉絲眾多~但都未夠衰,繼上次Hello Pinkey叫人去泥頭山BBQ之後,最近佢又有新搞作,不過因為太過分,所以有網民忍唔住玩踢爆!

原文:環球膠報|圖片:Facebook

美食博覽「R 」Job

自稱「飲食界KOL」嘅Hello Pinkey,成日推介埋啲中晒伏嘅餐廳小食,愈來愈多網民鬧爆,不過佢個Page「Hello Pinkey周圍食」依然有唔少信眾。天真嘅大家一直認為Hello Pinkey係真心介紹美食啦,點知….

Hello Pinkey繼「泥頭山BBQ」後仍然不死,睇完個Email,搞到小編當堂嚇一跳,然後得啖笑!備註一欄驚見為保持專頁「真心推介」?!

都未算驚人,大家可以睇埋收費~

重溫「泥頭山BBQ」事件

呢位Hello Pinkey不時都會收錢幫餐廳拍宣傳片或者開post介紹,今年初佢介紹一個位於天水圍嘅靚環境BBQ場地,佢大讚燒烤場設計浪漫適合情侶,仲話啲嘢食比一般任食場質素好,個老闆仲好大方俾大家帶外面嘢食入去燒,仲有嘢玩添!聽到呢度,大家係咪勁想去呢?

 

 

但咪住先,聽埋個地點喺邊先啦!原來個燒烤場係喺2016年揭發既天水圍嘉湖山丘上面,即係天水圍嘉湖山莊對出個泥頭山,而家改建成燒烤場牟利,當中涉及違契違規問題。違規都算啦,個嘉湖山丘又危險,又多灰塵同垃圾,真係隨時食到肚痛!

網上有唔少留言鬧爆Hello Pinkey為咗錢亂寫食評,「條女咩狗屎垃圾都話好食」,好多人其實都明白收錢賣廣告係冇問題,不過可唔可以俾返少少職業道德先?

被人瘋狂洗版後,有巴打發現Hello Pinkey刪除咗某啲留言,不過「del一post十」,delete得幾多個呀?

最後仲將個責任推返落BBQ場負責人身上,以為咁樣就無事?你收得人錢唔會了解下人地做乜先,錢就你收,出事就唔關你事,你玩晒啦!