阿叔路中心上車致意外 誰是誰非?

近日網上瘋傳一條交通意外片,片入面一個阿叔行去一架停喺路中心嘅的士諗住截車,當佢打開的士左邊車門時,冷不防喺佢左邊線嘅巴士突然開車,結果嘭一聲,的士左邊車窗被夾爆,啲玻璃碎仲彈向阿叔隻眼添!

路中心上車已經唔啱,仲要唔喺右邊大位上,要攝去左邊上車,記住要顧及人生安全。

幾經辛苦先打得開車門…

適逢巴士突然開車,的士左邊車窗被夾爆,玻璃碎周圍飛!

唔知有冇被玻璃碎插親嘅阿叔,知自己瀨嘢驚死要賠錢,借啲意離開案發現場!

阿叔亂截車再強行上車當然唔啱,不過網友對於邊個要負最大責任,都有唔同睇法。有人話的士冇鎖實道車門俾客上車,有人又插巴士司機唔望右邊有冇人就開車,亦有機會被控不小心駕駛喎!

而根據《道路交通(交通管制)規例》第374G章第44條:任何人不得開啟,或致使或允許打開在道路上的汽車或拖車的任何車門,以致對任何人造成傷害或危險。今次真係有請謝安琪唱返隻〈羅生門〉喇!

圖片及留言擷自:香港公路奇觀

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk

Call我吖!鄭嘉穎古代照叫雞

謝安琪撰文 解刑活著藍夢南500年之謎