單文柔上圍逼爆衫向陳展鵬撒嬌 做超能媽媽為頭家出盡力

娛聞

廣告

視帝煎Pang陳展鵬今年事業明顯有阻滯,工作失意家庭得意,囡囡小豬比(陳諾瑤Quinta)已歲半,識行識走識氹爸爸,令煎Pang甚為享受湊女生活,煎Pang錫到小豬比燶,對老婆單文柔同樣呵護備至唔會大細超,不時二人世界氹妻又管接送,有個廿四孝老公,單文柔可以放心繼續生做個賢妻良母,賺錢養家的重任就交畀煎Pang啦!

撰文、圖片:東方新地

單文柔做超能媽媽為頭家出盡力

煎Pang出名大男人,雖然他對細十三年的單文柔不薄,但疫情期間要老婆外出做阿四就真係見到都覺辛苦。日前單文柔坐煎Pang的車到達九龍城,獨自去食店歎完早餐,再去中藥店執藥,等藥期間她走勻九龍城多間店舖與街市,狂掃日用家品及買餸,左右肩孭住兩個大環保袋,另加手袋及一把長遮,最後還要去中藥店取走一大袋中藥,一個女人仔發揮最強力量,自己call車返屋企。單文柔雖然唔使搵錢養家,但為頭家的付出都不少。

煎Pang錫女亦愛妻,每逢紀念日一定與單文柔浪漫撐枱腳
煎Pang錫女亦愛妻,每逢紀念日一定與單文柔浪漫撐枱腳
熱愛打高爾夫球的他更帶埋老婆去打波。
熱愛打高爾夫球的他更帶埋老婆去打波。
甚為注重健康的煎Pang與單文柔,經常孖住做運動,這日二人一身運動打扮,穿上貼身露腰上衣的單文柔,突顯其弗爆身材,過馬路時她更挨近老公撒嬌。
甚為注重健康的煎Pang與單文柔,經常孖住做運動,這日二人一身運動打扮,穿上貼身露腰上衣的單文柔,突顯其弗爆身材,過馬路時她更挨近老公撒嬌。
煎 Pang夫婦擁多架車,所住的屋苑車位唔夠,這日外出後煎 Pang把車停泊在寓所對面的爛地停車場,兩公婆拎住一袋二袋行返屋企。
煎 Pang夫婦擁多架車,所住的屋苑車位唔夠,這日外出後煎 Pang把車停泊在寓所對面的爛地停車場,兩公婆拎住一袋二袋行返屋企。
早前煎 Pang一家搬入將軍澳日出康城晉海,雖然周圍都是興建中的地盤,不過煎 Pang近返工,美中不足是泊完車要行一段沙塵滾滾的路先返到屋企。
早前煎 Pang一家搬入將軍澳日出康城晉海,雖然周圍都是興建中的地盤,不過煎 Pang近返工,美中不足是泊完車要行一段沙塵滾滾的路先返到屋企。
單文柔這日由老公煎Pang揸車送她出九龍城,身穿短褲的她露了一雙修長美腿。
單文柔這日由老公煎Pang揸車送她出九龍城,身穿短褲的她露了一雙修長美腿。
單文柔先去中藥店執藥,再去掃補品,然後行去附近多間家品店買東西,撲來撲去。
單文柔先去中藥店執藥,再去掃補品,然後行去附近多間家品店買東西,撲來撲去。
行入九龍城街市前,單文柔戴上防疫手套,買了大量蔬菜及肉類。
行入九龍城街市前,單文柔戴上防疫手套,買了大量蔬菜及肉類。
左右肩膀各孭住一個大環保袋,單文柔買完餸行埋一邊整理。最後一站再折返中藥店拎走一個紅色大膠袋,煎 Pang未有揸車來接人,單文柔自己call車返歸。
左右肩膀各孭住一個大環保袋,單文柔買完餸行埋一邊整理。最後一站再折返中藥店拎走一個紅色大膠袋,煎 Pang未有揸車來接人,單文柔自己call車返歸。
新居靠山風景怡人,煎Pang留家抗疫期間,為博囡囡小豬比一笑,在家建起兒童樂園又陪玩。
新居靠山風景怡人,煎Pang留家抗疫期間,為博囡囡小豬比一笑,在家建起兒童樂園又陪玩。
日前煎Pang在社交網放了一家三口帶埋愛犬包包外出玩樂的視頻,即被網民指在公眾地方唔戴口罩,單文柔即留言解釋︰ 「一定會戴,只不過係剛食嘢除低一陣。」
日前煎Pang在社交網放了一家三口帶埋愛犬包包外出玩樂的視頻,即被網民指在公眾地方唔戴口罩,單文柔即留言解釋︰ 「一定會戴,只不過係剛食嘢除低一陣。」