43歲謝安琪慾照私影誘夫 結婚13年同張繼聰重拾激情

娛聞

廣告

謝安琪與張繼聰最近因疫情長期留家,閒時除了要陪仔女玩樂,兩公婆亦爭取二人世界,張繼聰化身攝影大師為愛妻密密影,其中一輯在水中央雖然主攻膊頭以上大頭寫真,但43歲的謝安琪如含苞待放的少女,濕身晒髀罅慾照唔止能誘夫,更令不少宅男垂涎三尺。日前張繼聰駕駛其心愛戰車與謝安琪遊車河,戴晒頭盔包到冚,無懼悶熱天氣,結婚13年育有一對仔女,如何能重拾激情、令夫妻生活如魚得水?謝安琪為冧張繼聰投其所好keep住姣,值得參考。

撰文、圖片:東方新地

謝安琪閂埋房門玩私影張繼聰做御用攝影師

謝安琪07年與張繼聰奉子成婚,兒子張瞻出世後,其歌唱事業更暢旺,升呢後被指與張繼聰女尊男卑,不過無損夫妻感情,近年張繼聰崛起,拍劇拍電影成為大紅人,07年再迎來細女張靖,一家四口生活更見美滿。最近受到新冠肺炎影響,居於大埔比華利山的張繼聰與謝安琪亦留家抗疫,不時在社交網上看到他們與子女打成一片,張繼聰幾乎每天都揸住結他自彈,謝安琪又會興起開金口,但原來除了玩音樂,夫婦二人近月有另一愛好。

張繼聰與謝安琪結婚十三年同甘共苦經歷高低,大時大節他都花心思氹老婆,是圈中好好先生。
張繼聰與謝安琪結婚十三年同甘共苦經歷高低,大時大節他都花心思氹老婆,是圈中好好先生。
謝安琪大張繼聰三年,二人於07年奉子成婚,謝安琪產後復出再搏殺,17年追女成功張繼聰事業亦起飛,一家四口經常在社交網放閃。
謝安琪大張繼聰三年,二人於07年奉子成婚,謝安琪產後復出再搏殺,17年追女成功張繼聰事業亦起飛,一家四口經常在社交網放閃。
張繼聰揚言想做網紅,最近他幾乎日日有新 post,仲攞住支結他自彈自唱,日前仲叫得郁老婆獻聲,雖然謝安琪未有露面,但兩公婆呢次「合體」表演大受歡迎。
張繼聰揚言想做網紅,最近他幾乎日日有新 post,仲攞住支結他自彈自唱,日前仲叫得郁老婆獻聲,雖然謝安琪未有露面,但兩公婆呢次「合體」表演大受歡迎。

張繼聰早前宣布即將踩過界做網紅,喜歡影相拍片的他,最新愛好是做謝安琪的御用攝影師,間中也會把作品放於自己的 IG內,日前他又親自操刀拍下謝安琪的出水芙蓉照,張繼聰直頭當寫真咁影,據知情者透露:「雖然生咗兩個小朋友,但 Kay(謝安琪)好引以為傲,覺得自己身材仲 keep到冇走樣,再加上有個鍾意影相嘅老公梗係要用到盡啦!

早前謝安琪上載一輯充滿夏日氣息的水著照上 IG,並在相下留言︰「都不放棄努力過活,用心挖掘、領受、體現,萬物當中的細節,生命承載的意義。仍然可以選擇,真摯地分享,箇中的快樂。這是特別值得珍惜的一種樂觀。」
早前謝安琪上載一輯充滿夏日氣息的水著照上 IG,並在相下留言︰「都不放棄努力過活,用心挖掘、領受、體現,萬物當中的細節,生命承載的意義。仍然可以選擇,真摯地分享,箇中的快樂。這是特別值得珍惜的一種樂觀。」
這輯水著照由張繼聰操刀,影到好有日本少女寫真嘅感覺,43歲的謝安琪顯得非常年輕與甜美,完全唔似生咗兩個小朋友,就連她自己都 留言:「 是甜的!」
這輯水著照由張繼聰操刀,影到好有日本少女寫真嘅感覺,43歲的謝安琪顯得非常年輕與甜美,完全唔似生咗兩個小朋友,就連她自己都 留言:「 是甜的!」
雖然謝安琪穿上泳衣,但大部分只見到膊頭以上嘅地方,不過這張影大髀罅的大特寫,就令人有無限遐想喇!
雖然謝安琪穿上泳衣,但大部分只見到膊頭以上嘅地方,不過這張影大髀罅的大特寫,就令人有無限遐想喇!

阿聰影得 Kay唔靚唔瘦一定畀佢鬧爆,為咗增添夫妻情趣,佢哋仲會喺屋企睡房閂埋門影性感相,不過都只係自己私藏,呢輯泳池相影到好似日本少女寫真咁,其中一張仲係 Kay大髀大特寫,真係引人遐想,阿聰唔想益街坊,所以冇放喺自己 IG度,點知 Kay自己放,即刻惹來好大回響。一直以嚟,Kay好介意人哋話佢老過阿聰,所以喺老公面前佢成日扮少女同小鳥依人,結婚十三年老夫老妻,都要諗吓點樣重拾激情嘅!為咗冧老公姣功係必須的,呢方面 Kay做得好好,夫妻生活真係一啲問題都冇。」

張繼聰鏡頭下的謝安琪相當性感,濕髮露肩之餘,仲有若隱若現的激凸剪影,意識形態都極度誘人。
張繼聰鏡頭下的謝安琪相當性感,濕髮露肩之餘,仲有若隱若現的激凸剪影,意識形態都極度誘人。
謝安琪皮膚白滑身材豐滿,她對自己的身形信心十足,曾性感露南半球出席公開活動,又試過著旗袍瞓床大晒美腿,唔會放過任何晒身材的機會。
謝安琪皮膚白滑身材豐滿,她對自己的身形信心十足,曾性感露南半球出席公開活動,又試過著旗袍瞓床大晒美腿,唔會放過任何晒身材的機會。

努力經營夫妻關係 烈火戰車慢速行駛

謝安琪深知夫妻關係要努力經營,在這段抗疫期間,除了要全天候照顧一對寶貝仔女,她亦沒有冷落老公,不時陪住張繼聰外出飛車,知情者說:「阿聰熱愛揸電單車,近年花唔少錢買戰車,Kay唔單止冇詐型,仲讚老公夠man夠型,呢啲老婆去邊度搵呀?」冬天坐電單車寒風刺骨、大熱天時又曬又焗,相信冇乜女士喜歡坐電單車,不過謝安琪為冧老公奉陪到底。

日前張繼聰車載謝安琪外出兜風,並把自拍照放上社交網,結果被網民質疑行車中拍照違反交通規則。
日前張繼聰車載謝安琪外出兜風,並把自拍照放上社交網,結果被網民質疑行車中拍照違反交通規則。
張繼聰近年愛上揸電單車,這架Harley Davidson Fat Boy價值約三十幾萬,為了chok同型,張繼聰經常以皮褸look包到冚出巡,熱到爆都要死頂。
張繼聰近年愛上揸電單車,這架Harley Davidson Fat Boy價值約三十幾萬,為了chok同型,張繼聰經常以皮褸look包到冚出巡,熱到爆都要死頂。

日前下午三時左右,張繼聰駕駛其新寵Harley Davidson FatBoy戰車外出,由大埔比華利山出發前往沙頭角鹿頸,來回花了約一小時,返家後他再次出車,這次後座多了老婆謝安琪,夫婦二人同穿黑皮褸、窄牛與短靴,打扮襯到絕,雖然其電單車馬力非常大,但張繼聰全程時速都不過60,車載愛妻小心為上,而今次目的地同樣是鹿頸,一日出車走兩轉都冇停車落地,可見張繼聰留家太悶,無論如何都要外出快閃鬆一鬆,而謝安琪亦夫唱婦隨。

這日下午三時許,張繼聰揸住戰車駛出大埔比華利山寓所,前往沙頭角鹿頸,來回車程約一小時。
這日下午三時許,張繼聰揸住戰車駛出大埔比華利山寓所,前往沙頭角鹿頸,來回車程約一小時。
外出一轉返家後,張繼聰又載住謝安琪外出遊車河,夫婦包到冚打扮襯到絕,途人未能認出是張氏夫婦。
外出一轉返家後,張繼聰又載住謝安琪外出遊車河,夫婦包到冚打扮襯到絕,途人未能認出是張氏夫婦。
皮褸配窄牛仔褲係好型,不過謝安琪巨躉無所遁形,啲肉向兩邊「唧」。
皮褸配窄牛仔褲係好型,不過謝安琪巨躉無所遁形,啲肉向兩邊「唧」。
早已先行探路的張繼聰,載住謝安琪向沙頭角方向行駛,全程時速五十幾,安全穩陣,可以拍拖欣賞沿途風景。
早已先行探路的張繼聰,載住謝安琪向沙頭角方向行駛,全程時速五十幾,安全穩陣,可以拍拖欣賞沿途風景。
歷時一個鐘的電單車河完結,謝安琪經過屋苑大門口保安亭,友善與保安員揮手。
歷時一個鐘的電單車河完結,謝安琪經過屋苑大門口保安亭,友善與保安員揮手。

簽了Juno公司的謝安琪,原打算每年12月12日推出新碟,今年受疫情影響令工作計劃大亂,之前傾落的廣告延期,新碟錄音日前才重新開始,外地的巡迴演唱會更暫時擱置,至於張繼聰電影工作也大受影響,惟有耐心等候,這段停工期一家四口在家困獸鬥,無論親子關係抑或夫妻關係,都一定更勝從前。

抗疫期間,一對子女停學也不悶,經常想一些新遊戲出來玩,張繼聰亦樂意陪玩,謝安琪笑言不消耗體力的活動才參與,要身體力行的就交畀張繼聰,她只負責影相拍片。
抗疫期間,一對子女停學也不悶,經常想一些新遊戲出來玩,張繼聰亦樂意陪玩,謝安琪笑言不消耗體力的活動才參與,要身體力行的就交畀張繼聰,她只負責影相拍片。
謝安琪一次在家中落地玻璃窗旁影女神照,一心晒胸兼晒長腿,正當她托好下巴準備chok好 pose之際,3歲細女張靖突然攝入鏡,坐在她身後食住奶嘴擺出有其母必有其女,囡囡一定係張繼聰第二個御用模特兒。
謝安琪一次在家中落地玻璃窗旁影女神照,一心晒胸兼晒長腿,正當她托好下巴準備chok好 pose之際,3歲細女張靖突然攝入鏡,坐在她身後食住奶嘴擺出有其母必有其女,囡囡一定係張繼聰第二個御用模特兒。