梁允瑜

梁允瑜「爆粗港姐」自認整過容 大爆選港姐不和內幕:睇唔過眼佢嘅行為

最新娛聞

廣告

上屆港姐20強佳麗梁允瑜參選時已是非多多,除被舊同學爆料指她曾欺凌人,又因爆粗舊片被流傳而被封為「爆粗港姐」,令她成為該屆港姐的是非人物。梁允瑜雖然落選,但仍獲無綫簽約成為旗下藝人,並迅速被安排加入劇組。她近年開設了個人YouTube頻道,分享了首條短片,回應網民對她的提問,包括有沒有整容及如何在TVB上位,她更大爆上年選港姐時,曾跟其他佳麗不和。

上屆港姐20強佳麗梁允瑜與網民玩對答,直認有整容。
上屆港姐20強佳麗梁允瑜與網民玩對答,直認有整容。(圖片來源:YouTube影片截圖@梁允瑜Chloe Leung)
梁允瑜公開學生照,認小時候是爆牙兼哨牙。
梁允瑜公開學生照,認小時候是爆牙兼哨牙。(圖片來源:YouTube影片截圖@梁允瑜Chloe Leung)

梁允瑜爆同佳麗唔妥

現年24歲的梁允瑜講到參選港姐的過程讓她學會很多東西,令她一生難忘,有網民問她︰「選港姐有冇同其他候選佳麗不和?」率直的梁允瑜坦承有︰「你諗吓成班女仔吖,咁梗係有啲是是非非嘅嘢,咁當然上年我參選港姐嘅時候,都有同佳麗有不和嘅,當然亦都唔係得我嘅,其他人我都聽到八卦吓,知道吓咁樣啦,有時可能係睇唔過眼佢嘅一啲行為,不過我自己就覺得啱傾就傾,唔啱傾咪有禮貌打個招呼咪算囉!」

梁允瑜
(圖片來源:《香港小姐競2021》截圖)
由於綠組有兩位佳麗被淘汰,梁允瑜站在台上等待,一直強顏歡笑﹗
由於綠組有兩位佳麗被淘汰,梁允瑜站在台上等待,一直強顏歡笑﹗(圖片來源:《香港小姐競2021》截圖)
24歲的梁允瑜講到參選港姐的過程讓她學會很多東西,令她一生難忘。
24歲的梁允瑜講到參選港姐的過程讓她學會很多東西,令她一生難忘。(圖片來源:[email protected]
梁允瑜表示透過選美認識了很多真心朋友︰「除咗有是非之外,當然都有真友誼。」
梁允瑜表示透過選美認識了很多真心朋友︰「除咗有是非之外,當然都有真友誼。」(圖片來源:YouTube影片截圖@梁允瑜Chloe Leung)

梁允瑜箍牙打針啪骨

有網民問梁允瑜有沒有整容?她竟然坦承有︰「整容呢個問題,其實個定義好廣泛,點樣先可以定義為整容呢?而家箍牙又係整容,整雙眼皮又係整容,打針又係整容,開刀又係整容,如果你箍牙都計嘅話,咁我係有整容嘅,因為我以前中學嘅時候就係一個爆牙同哨牙嘅女仔,所以我中學嘅時候就去咗箍牙,而家啲牙就齊咗啦。同埋我有打到黑眼圈針,因為我個黑眼圈係千年黑眼圈嚟嘅。」而她亦有做「小顏」,即是坊間講的「啪骨」,去改善臉型,上鏡會靚啲和兩邊面平衡一點,她說︰「我點睇整容呢件事呢?只要你自己開心,同埋安全,咁我就覺得我係接受到。」

梁允瑜坦認曾箍牙、打黑眼圈針和啪骨改善臉型。
梁允瑜坦認曾箍牙、打黑眼圈針和啪骨改善臉型。(圖片來源:[email protected]

梁允瑜諗計突圍而出

網民問梁允瑜︰「TVB好似好大競爭,你覺得你點先可以上位?」她直認好大競爭:「冇錯,TVB真係好大競爭!因為次次去到化妝間,素顏都可以有好多靚仔靚女,但係我就唔會諗點樣上位,我諗應該話點樣突圍而出。其實都冇㗎,娛樂圈呢個圈子就係你等待嘅時間好長,你需要等個機會來臨,所以你只可以做嘅就係好好去裝備自己,去令自己變得更好,當機會嚟到嘅時候可以好好去把握,做到啲成績出嚟,我就覺得係對自己最好嘅交代,同埋就係可以突圍而出嘅最好方法。」

梁允瑜直認TVB好大競爭,所以要裝備好自己。
梁允瑜直認TVB好大競爭,所以要裝備好自己。(圖片來源:[email protected]

梁允瑜正式成為親生女

粗口港姐梁允瑜雖然負面新聞不絕成為網民焦點。落選後梁允瑜本來話唔入行轉做KOL,她近日卻被發現已成為無綫旗下藝人,其個人資料更在無綫的官網藝人名單上。做人有時真係唔好去得咁盡,去年參選港姐被爆出拮住魚蛋爆粗鬧舊愛的梁允瑜,因負面新聞不絕成為是非港姐,形象破產之餘,本是大熱的好更在12強止步。當時自視過高的梁允瑜接受不到落選的事實,數臭完無綫即收埋自己,不時匿埋喊,唔想見人,連家人亦不敢提「港姐」兩字,怕觸動梁允瑜的情緒。

梁允瑜曾因爆粗事件致情緒低落。
梁允瑜曾因爆粗事件致情緒低落。(圖片來源:無綫娛樂新聞台截圖)

梁允瑜指粗口事件影響大

梁允瑜表示過去多個月自己的身心狀態都有問題,但未有去求醫,整個人完全喪失意志,對前途亦非常迷惘。近日梁允瑜再次現身接受傳媒訪問,表示粗口事件對她影響最大,因為被外界無限放大,搞到好似犯罪殺人放火咁嚴重。好勝的梁允瑜不想家人看到她失敗的一面,仲話本身家境不好,參選港姐是想改變家人的生活,但落選令她感到對唔住他們。一直耿耿於懷的梁允瑜,最後因為曾志偉一句說話而釋懷,去年她被大會邀請現身決賽,席間見到曾志偉,梁允瑜表示曾志偉對她說冠軍只得一個,其他個個都會被人叫落選港姐,梁允瑜即時成個人放低咗,此後變得更積極!

梁允瑜 梁允瑜負面新聞不絕,入行後更繼續行性感。
梁允瑜負面新聞不絕,入行後更繼續行性感。(圖片來源:[email protected]
梁允瑜 24歲的梁允瑜不介意網民重提她的黑歷史。
24歲的梁允瑜不介意網民重提她的黑歷史。(圖片來源:[email protected]
梁允瑜近日在社交網上載多張只著內衣的床照,看來想走性感路線。
梁允瑜近日在社交網上載多張只著內衣的床照,看來想走性感路線。(圖片來源:[email protected]
梁允瑜透露因家境困難需要錢,她表示除了做藝人,也有另類搵錢方法,就是投資虛疑貨幣,愈危險愈有挑戰性,另外她亦有買美股,其策略係是趁低吸納,試過用3萬蚊做本金,結果賺咗6萬蚊。
梁允瑜透露因家境困難需要錢,她表示除了做藝人,也有另類搵錢方法,就是投資虛疑貨幣,愈危險愈有挑戰性,另外她亦有買美股,其策略係是趁低吸納,試過用3萬蚊做本金,結果賺咗6萬蚊。(圖片來源:[email protected]

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:YouTube影片截圖@梁允瑜Chloe Leung、[email protected]