波波黃婧靈

波波黃婧靈24歲生日 獲偶像梁朝偉加持 除罩輕攬 興奮到唔捨得沖涼

最新娛聞

廣告

波波黃婧靈被曾志偉點名力捧,最近主持J2台的《冇人性教育》憑出位言行上晒位,4月12日是波波24歲生日,行運行到落腳趾尾的她,出街竟遇上心目中的最佳男友梁朝偉,波波膽粗粗上前邀合照,梁朝偉唔止一口應承,仲肯除口罩輕輕攬住波波肉臂,呢一攬搞到壽星女勁興奮,昏迷了兩個鐘仲話唔捨得沖涼。

波波 波波生日正日在街上竟撞見男神梁朝偉,她像個小粉絲上前邀合照。
波波生日正日在街上竟撞見男神梁朝偉,她像個小粉絲上前邀合照。(圖片來源:IG@krysellawong)

波波生日奇遇記

波波24歲的生日肯定畢生難忘,她曾經在社交網出po,表示心目中的男朋友就是梁朝偉,仲留言「好想俾佢個十個環打死」,結果她就在昨日(4月12日)生日當天遇上男神,不過唔係畀梁朝偉打死,係電死。

波波 波波曾公開表示梁朝偉就是她心目中的男朋友。
波波曾公開表示梁朝偉就是她心目中的男朋友。(圖片來源:IG@krysellawong)
波波 波波好詳細咁寫下偶遇梁朝偉及邀合照的經過。
波波好詳細咁寫下偶遇梁朝偉及邀合照的經過。(圖片來源:IG@krysellawong)
波波 波波hashtag再強調梁朝偉同佢講生日快樂,仲話偉仔掂住佢手臂,最後「Ahhhhhhh......」,表現得幾咁興奮。
波波hashtag再強調梁朝偉同佢講生日快樂,仲話偉仔掂住佢手臂,最後「Ahhhhhhh……」,表現得幾咁興奮。(圖片來源:IG@krysellawong)

網民留言指偉仔老了 波波緊張為男神護航

波波事後把與男神偶遇的全經過寫上社交網,她以「激烈對話」來形容當時與梁朝偉的交談,字裡行間完全表露出佢有幾仰慕梁朝偉,能夠在生日遇上男神簡直是奇蹟一樣,獲梁朝偉親口送祝福又輕攬合照的波波,仲誇張到話原地窒息5分鐘加原地爆炸。波波咁興奮,很快就有二百幾個留言,大部份都祝她生日快樂,有網民指出梁朝偉肯除罩與她合照的重點,亦有多人留言指59歲的梁朝偉現老態,波波即緊張回應話:「魅力永遠唔會老,好正!」

波波
(圖片來源:IG@krysellawong)
波波
(圖片來源:IG@krysellawong)
波波
(圖片來源:IG@krysellawong)
波波
(圖片來源:IG@krysellawong)
波波
(圖片來源:IG@krysellawong)
波波
(圖片來源:IG@krysellawong)
波波
(圖片來源:IG@krysellawong)

波波主持成人節目面不改容

向來語不驚人誓不休的後,言行變得更加大膽。在最新一集《冇人性教育》中,波波施展渾身解數,內容愈見露骨,除了出手摸男同事Alan耳仔令對方有反應,仲手口並用教點樣討好另一半,波波面不改容,係有料到嘅!

波波 波波已變成無綫性女。
波波已變成無綫性女。(圖片來源:IG@krysellawong)
波波 波波要示範在Alan耳邊吹氣令他有反應。
波波要示範在Alan耳邊吹氣令他有反應。(圖片來源:無綫影片截圖)

波波出手搞掂對手

無綫J2台節目《冇人性教育》由歐陽偉豪 (Ben Sir)、黃婧靈 (波波)、黃紫恩 (Jojo)、故敏芝 (Karen) 以及吳兆麟 (Alan) 主持,每集都透過輕鬆有趣的形式去探討性話題,所以兒童不宜,被列為「M成年觀眾」類別的節目。在新一集節目中討論性冷感話題,波波與Karen、Jojo輪流示範用按摩、性感叫聲以及耳邊吹氣令Alan有反應,波波只係出手摸Alan耳仔已經令對手硬晒軚。

波波 波波因為戴上口罩不能出口,她只出手摸對方耳仔已令Alan面都紅晒。
波波因為戴上口罩不能出口,她只出手摸對方耳仔已令Alan面都紅晒。(圖片來源:無綫影片截圖)
波波 波波成個專家咁,講嘢愈來愈大膽。
波波成個專家咁,講嘢愈來愈大膽。(圖片來源:無綫影片截圖)

波波最叻用舌頭

其後講到服務技巧,波波就非常雀躍,當問及在場兩位男士Ben Sir及Alan覺得哪個方法最好時,波波仲多次強調要手口並用,還即場做出模仿動作,更對住Alan講:「我依家戴咗口罩之嘛,如果唔係我有條脷㗎!我只係畀口罩妨礙住我咋!」可見波波經驗老到,坐在波波身旁的Karen聽完眼都凸說:「咁你贏晒啦!」

波波 波波仲話會用埋條脷。
波波仲話會用埋條脷。(圖片來源:無綫影片截圖)
波波 三位女主持中,波波的經驗最老到。
三位女主持中,波波的經驗最老到。(圖片來源:無綫影片截圖)

波波教室詳細講解「巧手密碼」

波波全程面不改容,其中一Part講到為如何活用一雙「巧手」,波波非常詳細講解多種手勢,Ben Sir拎住枝筆比劃實際情形,波波更出手揸住Ben Sir枝筆上下搖動,場面露骨,波波明顯在這方面好有心得,仲以英文字母「U」、「OK」以及「W」作為密碼,比喻一點就明!

波波 波波愈講愈放。
波波愈講愈放。(圖片來源:無綫影片截圖)

去片!睇波波主持《冇人性教育》

波波講敏感話題完全唔避忌,無綫搵佢主持《冇人性教育》真係搵啱人。

波波黃婧靈心中最佳男友有人選嗎?

波波曾經在社交網出po玩你問我答,有網民問到心目中男朋友是怎樣,而剛巧波波就遇上這位夢想男友⋯⋯詳情請看

波波黃婧靈遇見夢想男友後做了什麼事?

波波黃婧靈於生日在街上遇到夢想男友,即刻於社交網分享了合照,更話不要沖涼⋯⋯詳情請看

撰文:東方新地圖片來源:IG@krysellawong、無綫影片截圖資料或影片來源:YouTube@TVB