55歲吳啟華月使廿萬捧女做網紅 12歲女超貪靚似足富貴阿媽

娛聞

廣告

吳啟華有份主演的無綫劇《 On Call 36小時II 》近日在深夜重播,劇中飾演其15歲女兒的莊錠欣(Elkie)已搖身一變成為人氣韓團CLC的香港成員,現實生活中的吳啟華同樣有個充滿表演慾的囡囡,只有11歲的小豬豬(吳熙兒)初長成,踏入少女期即急不及待要做網紅,錫女錫到燶的吳啟華甚至每月豪花廿萬給前妻及女兒做生活費,讓女兒可以重點發展自己的興趣。來日方長,小豬豬愈大愈標緻又有富爸爸撐腰,想做網紅話咁易啦!

撰文、圖片:東方新地

吳啟華努力賺人仔 每月使廿萬為彌補離婚缺憾

近年吳啟華主力在國內發展,再加上投資有道,在多個省投資飲食業搞得有聲有色,每月付廿萬生活費只是濕濕碎,據知情者透露:「啟華係個好盡責的好男人,得一個女,點會唔錫到燶?小豬豬5歲時兩公婆就離婚,啟華為搵食周圍飛,石洋子又成日唔黐家,囡囡主力由婆婆照顧,啟華唔可以成日陪個女,唯一做嘅就係盡力彌補,滿足佢所有要求。小豬豬細個時話鍾意唱歌、跳舞同彈琴,啟華多多錢都畀,最想佢學多啲嘢,物質上從來不缺,要乜有乜。

55歲吳啟華於07年與內地藝人石洋子在港註冊結婚,翌年在北京誕下女兒吳熙兒(小豬豬),二人於14年離婚並承諾共同撫養女兒。
55歲吳啟華於07年與內地藝人石洋子在港註冊結婚,翌年在北京誕下女兒吳熙兒(小豬豬),二人於14年離婚並承諾共同撫養女兒。

到近年小豬豬開始長大,佢見媽咪成日扮得靚靚影相放社交網,佢亦開咗個微博帳戶,自己影相修圖,雖然依家得11歲,但已經好早熟,成日跟媽咪學化妝,而婆婆見到小豬豬愈大愈似石洋子不知幾引以為榮,直頭想捧個孫做星。之前小豬豬開始留意韓國潮流,成日話要買衫買化妝品,仲叫石洋子帶佢去首爾玩,所有錢都係啟華畀,每個月使成廿萬都面不改容,只要個女開心佢覺得使多多都值得。」

小豬豬初學修圖,執到自己似足18歲少女,打扮亦愈趨韓風。
小豬豬初學修圖,執到自己似足18歲少女,打扮亦愈趨韓風。
今年11歲的小豬豬樣子甜美而且開始學打扮,早前她開通了屬於自己的微博帳戶,步入少女期的小豬豬,已懂得扮靚兼用美顏Apps呢!
今年11歲的小豬豬樣子甜美而且開始學打扮,早前她開通了屬於自己的微博帳戶,步入少女期的小豬豬,已懂得扮靚兼用美顏Apps呢!

小豬豬以母親為榜樣貪靚學化妝做網紅

有個顏值為本喜歡扮靚周身名牌的母親石洋子,小豬豬亦遺傳了愛美基因,最近她在微博上載的照片,全部都是經過修圖,張張都是化了妝,而她的打扮不再是小朋友,今年底才滿12歲的她,五官甚有母親的影子,打扮與拍照擺 pose亦大個女跟足韓風,學做網紅吸納粉絲。因為受到父母影響,小豬豬自小已對娛樂圈充滿憧憬,我的志願是做明星,自幼被重點培訓的她已是鋼琴高手,不時參加公開比賽,婆婆早前亦在微博上載小豬豬參加比賽時的照片,又公開了一段小豬豬拍微電影的片段,小小年紀對住鏡頭完全不怯,看來小豬豬天生注定食呢行飯。

石洋子22歲生下小豬豬,是個年輕潮媽,女兒遺傳了她的標緻五官及白滑皮膚,兩母女走在一起似足兩姊妹。
石洋子22歲生下小豬豬,是個年輕潮媽,女兒遺傳了她的標緻五官及白滑皮膚,兩母女走在一起似足兩姊妹。
每次與母親石洋子外出,小豬豬都會化妝,唔止塗唇膏,還被眼利網民發現她黐雙眼皮膠紙及畫眼線,小小年紀已非常貪靚。
每次與母親石洋子外出,小豬豬都會化妝,唔止塗唇膏,還被眼利網民發現她黐雙眼皮膠紙及畫眼線,小小年紀已非常貪靚。
早前石洋子母親把小豬豬一段似在拍戲的花絮放上微博,網民問小豬豬是否出道拍戲,外婆回答是在拍微電影。
早前石洋子母親把小豬豬一段似在拍戲的花絮放上微博,網民問小豬豬是否出道拍戲,外婆回答是在拍微電影。
早前小豬豬參加天才表演公開彈鋼琴,外婆亦拍照放上微博。
早前小豬豬參加天才表演公開彈鋼琴,外婆亦拍照放上微博。
自父母離婚後,小豬豬便跟隨外婆於長春定居,兩婆孫感情要好,不時一齊玩美顏自拍app。
自父母離婚後,小豬豬便跟隨外婆於長春定居,兩婆孫感情要好,不時一齊玩美顏自拍app。

離婚已六年的吳啟華,對於未能給女兒一個完整家庭一直耿耿於懷,他承認自己是一個不及格的爸爸,離婚三年仍未向女兒解釋與石洋子離婚一事。雖然曾多次傳出與石洋子復合,但吳啟華曾在訪問中否認說:「我同洋子就好似親人一樣,因為佢始終係我個女嘅媽媽,但復合已經唔可能。」女兒踏入少女期絕對需要父母在身旁指引,不過吳啟華事忙,石洋子又鍾意歐遊玩樂享受人生,小豬豬跟住婆婆生活,繼續專注扮靚沉迷做網紅,幾年後將會有一個倒模石洋子面世。

雖然一年見得幾次面,但吳啟華視愛女如命根,一有時間就帶她外出遊玩,享受父女樂,在小豬豬心中,啟華是個永遠唔識 say no的好爸爸。
雖然一年見得幾次面,但吳啟華視愛女如命根,一有時間就帶她外出遊玩,享受父女樂,在小豬豬心中,啟華是個永遠唔識 say no的好爸爸。
為了彌補離婚的遺憾,吳啟華盡量滿足女兒的需要,不惜花大量金錢自小培育小豬豬,讓她身心都健康發展。就讀於長春國際學校的小豬豬,動靜皆宜,絕對是入水能游、出水能跳,是個多才多藝的學生。
為了彌補離婚的遺憾,吳啟華盡量滿足女兒的需要,不惜花大量金錢自小培育小豬豬,讓她身心都健康發展。就讀於長春國際學校的小豬豬,動靜皆宜,絕對是入水能游、出水能跳,是個多才多藝的學生。
吳啟華曾透露為補償女兒,近年會帶前妻、女兒及岳母一齊去旅行,以四人的方式享受天倫樂,在女兒面前盡力維持完整家庭的模樣。
吳啟華曾透露為補償女兒,近年會帶前妻、女兒及岳母一齊去旅行,以四人的方式享受天倫樂,在女兒面前盡力維持完整家庭的模樣。
前年吳啟華相約因拍《隱世者們》而熟絡的周美欣及趙碩之去日本沖繩單車自駕遊,因前妻石洋子同行而傳出有機復合,但吳啟華澄清與前妻一直保持良好關係,決不會復合。
前年吳啟華相約因拍《隱世者們》而熟絡的周美欣及趙碩之去日本沖繩單車自駕遊,因前妻石洋子同行而傳出有機復合,但吳啟華澄清與前妻一直保持良好關係,決不會復合。