fred web

鄭俊弘偷嗒寶貝女 三哥眼火爆

苗僑偉(三哥)與戚美珍的25歲索大女苗彤,樣靚身材正自然多仔追,原來鄭俊弘(Fred)亦是裙下之臣,日前本刊拍到Fred同苗彤前後腳到中環食飯,二人四目交投,愈傾愈啱feel,戀火一發不可收拾!

 

延續閱讀:

喪操廿吋腰 花曼王君馨終於有代表作

女神王君馨索爆丁圖

 

冧笑對望

當晚,Fred與苗彤各自帶上朋友做遮擋,以希臘女神look的苗彤先現身,而Fred則跟陳瀅一起到達,未幾Fred視察完環境,覺得安全即撇下陳瀅過枱跟苗彤對坐!二人無視友人,不時冧笑對望,一副情意綿綿!

 

苗彤醋意大發

至11時多苗彤收到電話order要走人,Fred即送她出門口等保母車,等車時苗彤的女友人借醉狂捽Fred面珠,苗彤即時醋意大發睥到行,朋友都冇面俾!

 

三哥眼火爆

至於三哥得知寶貝女被鄭俊弘偷嗒,明顯唔太高興!提到Fred與寶貝女食飯,三哥更碌大雙眼問二人喺邊度食,至於對Fred印象如何,三哥直言:「我唔識佢!」仲反指記者一定認錯人,拒絕相信女兒同Fred行埋!Fred若想得手,相信要先過三哥呢關!

全文完