feat_1167_6

「安心事件」一周年姣穎洗底失敗 《On Call》熒幕重逢黃心穎客串病人姣黐馬國明

呢排無綫喺深宵時段翻播劇集《 On Call 36小時II》,除咗晚晚見到吳啟華、楊怡、馬國明之外,其實馬明舊愛黃心穎都有份客串演出,亦因為呢套劇,當年正是黃心穎埋馬明身嘅第一步!之後再次合作成功姣擒馬明,並逆轉一直以來嘅負面形象,只可惜之後爆出「安心偷食」事件令戀情告終,計吓計吓,「安心」事件發生剛剛一周年,喺呢個時候播《 On Call》,真係橋囉!

撰文、圖片:東方新地

馬國明、黃心穎《On Call II》熒幕重逢

猶記得當年黃心穎選港姐時就自爆係馬明嘅粉絲,經常將馬明掛喺口唇邊,話好仰慕對方又話想同佢合作拍劇,連續幾年台慶,黃心穎都主動走去同馬明集郵然後再po上網晒命㖭! 2013年終於畀佢恨到同馬明合作拍攝《 On Call 36小時II》,雖然只係客串一個病人角色,但黃心穎相當興奮,仲喺網上留言:「『第一次』拍劇竟然係畀咗馬明!」之後黃心穎鍥而不捨,小fans倒追偶像得米,成功將男神封盤!

藉著拍攝《On Call 36小時II》 而成功搭上馬明,黃心穎強調第一次⋯⋯拍劇就畀咗馬明喎!
藉著拍攝《On Call 36小時II》 而成功搭上馬明,黃心穎強調第一次⋯⋯拍劇就畀咗馬明喎!
當年仲係新人嘅黃心穎可以同馬明及楊怡有對手戲梗開心,可以藉拍劇埋馬明身先係佢終極目標!
當年仲係新人嘅黃心穎可以同馬明及楊怡有對手戲梗開心,可以藉拍劇埋馬明身先係佢終極目標!
成為馬國明女友後,多得對方帶挈,人氣急升連帶事業亦飛升,黃心穎一躍升上二線角色,其後喺《牛下女高音》直頭擔正女一㖭!
成為馬國明女友後,多得對方帶挈,人氣急升連帶事業亦飛升,黃心穎一躍升上二線角色,其後喺《牛下女高音》直頭擔正女一㖭!
《 On Call 36小時II》截圖
《 On Call 36小時II》黃心穎飾演青年作家沈韻琴,患有腦淋巴瘤,出場無耐就入院。

《On Call》熒幕重逢黃心穎客串病人姣黐馬國明 「安心」事件一周年姣穎洗底失敗

《On Call》熒幕重逢黃心穎客串病人姣黐馬國明 「安心」事件一周年姣穎洗底失敗

《On Call》熒幕重逢黃心穎客串病人姣黐馬國明 「安心」事件一周年姣穎洗底失敗

累人累物「安心事件」一周年

不過被封「姣心穎」嘅黃心穎並非浪得虛名,上年4月爆出姣擒人夫許志安,喺車廂纏綿斷正,事業形象一鋪清袋!卒之搞到要避走美國深潛8個月,至去年12月厚顏回歸,谷盡眼淚扮可憐博翻身,不過大眾似乎仲未接受佢喎,淨係睇年頭播出佢主演嘅《丫鬟大聯盟》,收視麻麻證明觀眾唔願睇佢,不如趁呢個時候,好好留家抗疫把啦!

擸到件筍盤都唔識珍惜,轉頭又偷食人夫許志安,最終玩出火令事業形象一鋪清袋。
擸到件筍盤都唔識珍惜,轉頭又偷食人夫許志安,最終玩出火令事業形象一鋪清袋。
女追男隔層紗,姣心穎努力埋堆一味靠黐,畀佢成功搭上人夫。
女追男隔層紗,姣心穎努力埋堆一味靠黐,畀佢成功搭上人夫。
對娛樂圈花花世界仍未死心,由美國返港後仍繼續挑機上載bra top相,充滿戰鬥格。
對娛樂圈花花世界仍未死心,由美國返港後仍繼續挑機上載bra top相,充滿戰鬥格。
停工一年,心穎一直百無聊賴,近日新領養咗隻唐狗仔Love,似乎想顯愛心博洗底。
停工一年,心穎一直百無聊賴,近日新領養咗隻唐狗仔Love,似乎想顯愛心博洗底。
除咗領養寵物外,心穎又為三家姐做保母湊B,不時同姨甥女豆豆開心合照。
除咗領養寵物外,心穎又為三家姐做保母湊B,不時同姨甥女豆豆開心合照。

重溫「安心事件」一周年各人動向:許志安、鄭秀文

鄭秀文許志安甜蜜再現 Sammi大愛原諒 好老公安仔回歸

經過多月來的潛水思過,安仔以靜制動成功修補夫妻關係,與老婆Sammi感情昇華,早前與友歐遊共享快樂時光,Sammi返港後更見豁然開朗,知情者說:「Sammi同安仔好快就冇事啦!依家不知幾開心,互相了解多咗,早前Sammi父母輪流病,安仔陪住Sammi去照顧兩老,幫手分擔,患難見真情,後來到Sammi個胃有事入院,安仔真係好擔心,佢哋經過咁多風風雨雨,安仔亦知道幸福唔係必然,今次對佢嘅教訓好大,以後唔會再錯啦!」

Sammi被指是事件中首號受害人,傷害至深,不過她選擇以大愛原諒安仔, 給他改過的機會。
Sammi被指是事件中首號受害人,傷害至深,不過她選擇以大愛原諒安仔, 給他改過的機會。
安仔亦在記者會中爆喊坦承認錯,直言自己是個壞了的人,願意接受懲罰,無限期停工思過,直到自己修補好為止,以行動去補救。
安仔亦在記者會中爆喊坦承認錯,直言自己是個壞了的人,願意接受懲罰,無限期停工思過,直到自己修補好為止,以行動去補救。

Sammi安仔甜蜜再現 夫妻二人甜爆行超市

有Sammi大愛原諒,好老公安仔亦回歸,日前見他陪住Sammi到位於陽明山莊的超市,夫唱婦隨一齊溫馨掃零食,估唔到對自己的身形與健康同樣嚴厲與緊張的Sammi,會在超市狂掃大量薯片、餅乾與朱古力等高熱量不健康的零食,當見到本刊記者,Sammi與安仔同樣展現開心幸福笑容,能夠雨過天青齊上齊落,真係要好好珍惜。

日前Sammi與安仔孖住現身陽明山莊的超級市場,二人狂掃大量零食
日前Sammi與安仔孖住現身陽明山莊的超級市場,二人狂掃大量零食
仲棄用超市購物車,各自攬住一大堆零食,非常搞笑。
仲棄用超市購物車,各自攬住一大堆零食,非常搞笑。
Sammi與安仔排除萬難繼續甜蜜,在超市內買嘢有商有量,最後由安仔負責埋單。
Sammi與安仔排除萬難繼續甜蜜,在超市內買嘢有商有量,最後由安仔負責埋單。
這晚Sammi 與安仔難得恩愛現身,雖然前後腳步出超市,但從二人燦爛的笑容足見夫妻關係更勝從前。
這晚Sammi 與安仔難得恩愛現身,雖然前後腳步出超市,但從二人燦爛的笑容足見夫妻關係更勝從前。

重溫「安心事件」一周年各人動向:許志安、鄭秀文

黃心穎唔黐人夫改食「撻訂泥鯭」撚狗姣出新緋聞

31歲黃心穎被稱「姣穎」唔係無原因,上年4月爆出「安心偷食」事件轟動娛樂圈,12月返港後又夜蒲唱K識富二代,不過睇嚟都係人夫最得佢心,近日有傳媒見到佢同泥鯭孖咇買寵物用品,兩人似乎關係唔錯。幾張讀者報料相片又再觸發網民高度關注,更媒體命名為「安心戀泥」……

撰文、圖片:東方新地、Instagram

去年4月,黃心穎、許志安的「安心偷食」事件轟動娛樂圈,許志安識做,事發後即開記招流淚道歉,姣穎無道歉之餘仲避走美國8個月,諗住香港人善忘有機會翻身,12月返港喺於12月14日返港在機場爆喊,點知網民都係唔受,TVB又唔敢俾Job佢,事業未精姣心又起,今次目標係樂隊RubberBand的鼓手泥鯭(黎萬宏)。

黃心穎與泥鯭早於2016年相識

在黃心穎的IG中,只能搵到一張兩人於2016年的大合照,當時黃心穎留言:

「即興九唔搭八組合,想聽嗎?成員包括:泥鯭 Rubberband,On仔 C AllStar,小胡 Yellow,心穎,King C AllStar #一齊jam歌好好玩。」

泥鯭在相中只佔據後面靠邊位置,不知兩人幾時變得friend過打band呢!

黃心穎姣婆守唔到寡再黐人夫 泥鯭陪行寵物店做阿四

黃心穎與泥鯭齊逛寵物店買狗糧

話說黃心穎今早於IG張貼了一收養三隻唐狗的相片,之後旋即有傳媒發布讀者偷拍,指黃心穎同泥鯭一齊去咗寵物店,仲話佢哋一路行一路睇,交情匪淺有講有笑。報料人指開頭未能認出黃心穎,只認得出泥鯭,當中黃心穎仲一直用帶姣嘅聲線同泥鯭傾偈。報導所見黃心穎雖然有周圍觀望,可能擔心被人認出;但泥鯭就完全唔低調,明顯欠缺警愓。

其實報料圖輯所見,兩人未有親密接觸,但據報料人繪形繪聲目擊,就已經營造出令人覺得係情侶行街的感覺。

黃心穎表示:「記得第一次去暫託家庭探佢地三胞胎嗰時、一打開門見到三隻野跳跳紮嗰個樣、好難唔即時俾佢地嘅歡樂感染到。」
黃心穎表示:「記得第一次去暫託家庭探佢地三胞胎嗰時、一打開門見到三隻野跳跳紮嗰個樣、好難唔即時俾佢地嘅歡樂感染到。」

【安心戀泥】黃心穎唔黐人夫改食「撻訂泥鯭」撚狗姣出新緋聞 (附網民抵死回應)

李小姐表示,當日姣穎就係著呢一件衫同泥鯭行寵物店。
報料人表示,當日黃心穎就係穿IG同款衛衣逛寵物店。

姣婆遇著「失婚」男 一拍即合

有「翻版林海峰」之稱嘅泥鯭,2017年已經同圈外女友求婚成功,當時亦有喺社交媒體上放閃。有傳二人上年已結婚,但泥鯭在回應與黃心穎去街的傳聞時就向傳媒表示,二人去年已經分開,雖然騷過甜蜜鑽戒,但取後唔成婚!泥鯭更向傳媒表示,自己目前係單身。

兩個都單身,難怪一拍即合。

2016年,本刊拍到泥鯭與當時是女友的太太行AIA掟公仔。
2016年,本刊拍到泥鯭與當時女友行AIA掟公仔。
黃心穎姣婆守唔到寡再黐人夫 泥鯭陪行寵物店做阿四
與黃心穎「逛竉物店」消息曝光後,泥鯭接受傳媒查詢即回應表示與女友(圖右)早已分手,目前係單身。

網民抵死回應:林狗終於同蔡一智喺埋一齊喇

有網民將蔡一智和林海峰的合照張貼出來,簡單總結今次的緋聞.....
有網民將蔡一智和林海峰的合照張貼出來,簡單總結今次的緋聞…..
生日前夕,黃心穎po出著住Sport bra趴地照,刻意露腰晒身材表現得戚。
今年生日前夕,黃心穎po出著住Sport bra趴地照,刻意露腰晒身材表現得戚。

31歲黃心穎食完馬國明轉攻富二代圈 戒淫失敗「齊蔭轉運」博翻身

機關算盡的黃心穎,唔甘心安守本分,發毒誓亦當食生菜,「安心偷食」搞到事業形象插水潛逃美國八個月,上年12月厚顏回歸,現身機場谷盡眼淚扮可憐,更為求復出無所不用其極,向無綫高層發毒誓戒淫,希望公司網開一面再給予機會,不過桐油埕始終係裝桐油,恨鐵不成鋼,姣精好快打回原形,返港不久已不停在個人社交網姣出po,著睡衣短褲裝飾聖誕樹以至bra top趴地,一副戰鬥格懶理曾犯彌天大錯,繼續開心玩樂,姣婆更加守唔到寡,今個農曆年,黃心穎又重施故技,黐實一班由美國返港的朋友四出團拜出擊,入侵富二代圈子攻仔,姣出禍都未知驚死性不改!

撰文、圖片:東方新地

黃心穎向高層死𦧲 公司怕再出事唔肯派Job

偷食人夫許志安玩出火,姣精黃心穎事業形象一鋪清袋,東窗事發後即潛走美國,雖然外傳她改名轉行做金融,但實情對娛樂圈仍野心勃勃的她,一直等機會回歸,多得無綫開恩,幾部劇輪住重見天日,黃心穎便睇準時機在上年12月中返港,現身機場時谷盡眼淚扮可憐,但始終唔肯正面認錯,裝模作樣誠意欠奉終歸博唔到同情;為部署收復失地,更向無綫高層發毒誓承諾戒淫,強調日後會守婦道改過從良,並主動向無綫提出加簽合約,不過,隨住劇集《丫鬟大聯盟》收視不如理想,觀眾唔願睇佢,無綫方面亦未敢將姣精進一步放生。

避走美國八個月,黃心穎在去年 12 月中返港密謀復出,落機步出機場大堂,已落力谷眼淚見傳媒。
避走美國八個月,黃心穎在去年 12 月中返港密謀復出,落機步出機場大堂,已落力谷眼淚見傳媒。
偷食人夫許志安搞到事業形象插 水,黃心穎依然厚顏想收復失地,近日刻意將 前額的頭髮剪成齊蔭祈求轉運,31歲生日更大肆慶祝狂歡!
偷食人夫許志安搞到事業形象插 水,黃心穎依然厚顏想收復失地,近日刻意將 前額的頭髮剪成齊蔭祈求轉運,31歲生日更大肆慶祝狂歡!

怕咗黃心穎!免得再拖垮公司

據知情者透露:「為咗博翻身,心穎發毒誓話會改過,以後唔會再亂搞男女關係,又主動提出同公司加簽合約,講明以後聽晒公司話,希望公司再畀機會佢拍劇,不過偷食人夫咁大件事,無綫畀佢搞到雞毛鴨血,又點敢輕舉妄動,始終心穎形象差都怕畀佢再拖垮公司,而且佢兩套劇播出之後,個個都話唔願睇佢,就算佢係咁向高層死𦧲,根本到依 家公司都冇安排工作畀佢!」

返港急不及 待happy的黃心穎, 31歲生日當晚安排連場 慶祝,約齊家人及好友到銅鑼灣吃麻辣火鍋, 更悉心打扮一副戰鬥格出動,心情勁靚!
返港急不及 待happy的黃心穎, 31歲生日當晚安排連場 慶祝,約齊家人及好友到銅鑼灣吃麻辣火鍋, 更悉心打扮一副戰鬥格出動,心情勁靚!
吃完火鍋仲有 下場,同家姐黃心美及二姐夫一齊轉場去灣仔會合家人與朋友 唱K,似乎真係已經唔記得犯下過錯要修心養性。
吃完火鍋仲有 下場,同家姐黃心美及二姐夫一齊轉場去灣仔會合家人與朋友 唱K,似乎真係已經唔記得犯下過錯要修心養性。

自信爆棚懶理鬧爆

未能回歸幕前,但自信心爆棚的她,亦懶理觀眾鬧爆,繼續有好心情,發誓歸發誓,姣婆極速故態復萌,返港個多月,已不停在個人社交網姣出po,不但著住睡衣短褲裝飾聖誕樹,又著bra top趴地,就連避走美國八個月的寫意生活,亦唔怕曝光人前,po出留美期間穿著緊身露腰衫遊玩的照片表現風騷,厚顏超越想像。

生日前夕,黃心穎po出著住Sport bra趴地照,刻意露腰晒身材表現得戚。
生日前夕,黃心穎po出著住Sport bra趴地照,刻意露腰晒身材表現得戚。
潛逃美國八個月,當大家以為黃心穎是為了靜思己過,她返港已忍唔住晒出在美國開心遊玩的相片,完全唔似洗心革面改過。
潛逃美國八個月,當大家以為黃心穎是為了靜思己過,她返港已忍唔住晒出在美國開心遊玩的相片,完全唔似洗心革面改過。
返港五日,黃心穎已經忘記之前淫出禍,著住睡衣短褲姣爆掛聖 誕樹。
返港五日,黃心穎已經忘記之前淫出禍,著住睡衣短褲姣爆掛聖 誕樹。

返港唔黐家換髮型轉運

姣心穎回港時表示為陪伴家人,其實佢一個累全家,家人被牽連受盡惡評都要繼續力撐她,先係最大折磨,除了冬至全家上門陪她團圓,今年黃心穎踏入31歲,一家人更連走兩場陪她慶生。據知情者透露:「唔似得上年有安仔同馬明輪住陪佢過生日,搞人老公被千夫所指,就算以前班好姊妹同圈中朋友,都怕被歸納為同類人一早疏遠佢,咪以為佢會好孤單,心穎根本唔當一回事,返嚟香港仲去set頭扮靚,又信相士講換髮型轉運,仲話 31歲生日要搞大佢,屋企人先陪佢出去打邊爐,又約咗大班朋友陪佢唱K玩通宵,但事前佢經理人同屋企人勸佢多啲留喺屋企唔好周圍去,但佢成日嗌悶,屋企人輪住陪佢都唔夠,好快佢已經唔黐家,原來佢喺美國嗰幾個月,識咗班ABC朋友,呢排就成日約埋一齊出嚟玩!」

上年生日,秘撻許志安的她就有安仔同男友馬明輪著陪慶生,風騷到不得了!
上年生日,秘撻許志安的她就有安仔同男友馬明輪著陪慶生,風騷到不得了!

31歲黃心穎食完馬國明轉攻富二代圈 戒淫失敗齊蔭轉運博翻身

甩走姣心穎,馬明事業終於起飛,成功在今年《萬千星輝頒獎 典禮》奪得「最佳男主角」,不 過見前度封視帝,黃心穎還厚顏高調留言恭賀,繼續借前度過橋。
甩走姣心穎,馬明事業終於起飛,成功在今年《萬千星輝頒獎 典禮》奪得「最佳男主角」,不 過見前度封視帝,黃心穎還厚顏高調留言恭賀,繼續借前度過橋。
偷食人夫犯下彌天大錯,黃心穎圈中朋友盡失,連昔日一班好姊妹都同佢斬纜,今年生日只好黐住三個家姐慶生。
偷食人夫犯下彌天大錯,黃心穎圈中朋友盡失,連昔日一班好姊妹都同佢斬纜,今年生日只好黐住三個家姐慶生。

主動抄牌攻仔 入侵富二代圈

當年扮粉絲成功追掂無綫筍盤馬國明,黃心穎依然唔心 足,拍拖期間已屢傳暗撻富二代,然後秘搞人夫安仔搞到人財兩失,同馬明分手收場,出走美國原來仲繼續風流快活,今次回港過農曆年,更火速重施故技借團拜向富二代埋身。據知情者透露:「今個新年心穎好多節目,佢喺美國班ABC朋友返嚟香港過年,搞咗幾個團拜,搭上搭當中仲有唔少係富二代有錢仔出席,佢知道之後仆倒去玩,佢係機會主義者,只要係有家底唔理好醜,佢已經主動抄牌,近日就同幾個富二代玩得好埋!不知幾風騷,根本懶得理有冇機會再返出嚟做嘢!瘟仔大過天!」 姣花惹唔過,睇怕男人想黐埋去玩吓都真係諗清楚好!?

偷食搞到同絕種筍盤男友馬明分手,不過黃心穎今個農曆年仍不愁寂寞,借住團拜不停 姣攻富二代。
偷食搞到同絕種筍盤男友馬明分手,不過黃心穎今個農曆年仍不愁寂寞,借住團拜不停 姣攻富二代。
曾參與拍攝劇集《華麗轉身》,黃心穎成功黐埋汪阿姐身,去年農曆年,更攝到位到阿姐屋企拜年,她更風騷在社交網 po 出同阿姐及家英哥的合照。
曾參與拍攝劇集《華麗轉身》,黃心穎成功黐埋汪阿姐身,去年農曆年,更攝到位到阿姐屋企拜年,她更風騷在社交網 po 出同阿姐及家英哥的合照。
偷食人夫形象破產,姣心穎已成不受歡迎人物,今年阿姐在家的團拜活動,有唔少無綫新一代藝員出席,但黃心穎已被踢出局。
偷食人夫形象破產,姣心穎已成不受歡迎人物,今年阿姐在家的團拜活動,有唔少無綫新一代藝員出席,但黃心穎已被踢出局。
同馬明拍拖依然唔心足的黃心穎,就多次被踢爆瞞男友狂黐富二代, 17 年皮草大王王大業生日 P ,黃心穎便成功黐到靚位攝入男方臂彎。
同馬明拍拖依然唔心足的黃心穎,就多次被踢爆瞞男友狂黐富二代, 17 年皮草大王王大業生日 P ,黃心穎便成功黐到靚位攝入男方臂彎。
又曾在陳法拉前夫薛世恒的生日會 上,向內地製衣業富二代(右一)抄 牌,發姣事蹟一籮籮。
又曾在陳法拉前夫薛世恒的生日會 上,向內地製衣業富二代(右一)抄 牌,發姣事蹟一籮籮。