陳冠希機場爆粗鬧拍片者獲力撐?網友:對方故意挑釁!

最強精選

陳冠希(Edison)自從同女友秦舒培誕下囡囡Alaia後,經常喺社交網上大晒Alaia嘅可愛照,十分愛錫女兒,係個百分百嘅慈父。不過出名好火爆嘅Edison今年4月同囡囡喺日本旅行時遇上偷拍者,Edison在日本街頭向對方指罵更錫咗一腳。昨日網上又流傳Edison「扯火」相片,今次地點係內地機場,網民稱陳冠希當時跟一名男子起衝突,不停爆英文粗口,但一眾網民竟然反過嚟支持Edison嘅舉動,到底發生咩事呢?!

撰文:東方新地 圖片:新傳媒圖片、微博

陳冠希機場爆粗鬧拍片者

現年39歲嘅陳冠希出名火爆,但其實佢自從同秦舒培生咗個囡囡後,脾氣已經收歛唔少,仲搖身一變成好老公、慈父,一家三口好幸福。 但昨日網上又有Edison「扯火」片段爆出,網民稱陳冠希當時跟一名男子起衝突,Edison係咁手指指爆英文粗口,又對黑衣男扮鬼臉,之後更幾乎動手,Edison同行男性及女性友人見狀請對方離開。

爆粗說「FUXK」

網民冇透露事發地點係邊個機場,但就話:「希哥又在機場發怒了,不但fxxk了好幾次,還差點動了手。如果真動手了,旁邊的保鑣是拉架(勸架)還是直接幹架(打架)呢?」網民又指該男子是內地一位男主播,為了點擊而故意激怒Edison,進行拍攝然後剪輯。不少網民都留言支持Edison,斥責該名主播行為好無恥!

 

陳冠希破口大罵偷拍者

其實今年4月,Edison同囡囡Alaia去日本旅行,期間遇到位操流利普通話嘅網民要求合照,但當時Edison指住身邊嘅Alaia,禮貌地拒絕:「跟小孩子一齊啊!今天不好意思呀!」

 

 

Edison拒絕對方後,拖住囡囡繼續直行,點知個位網友竟然繼續跟住Edison,直播住咁偷拍佢哋,仲令到Edison發火!Edison一手搶去對方嘅鏡頭,更對住鏡頭警告對方「下次見到我,不要這樣了」

 

 

點知,個拍片者繼續跟住Edison,令未平熄怒火嘅Edison再度「扯火」!拍片者喺片中透露,畀Edison踼咗腳,叫佢唔好再咁因為大家都係斯文人,仲話「我全家都在這邊,你這樣不太好吧」、「這裡有十萬人在看」,點知Edison一反擊:「我的微博有三千萬人呀!你想怎麼樣啊,你還跟著我。」

 

 

 

陳冠希:我跟我小孩子的時候,你不要搞

其後,Edison再次搶去鏡頭,警告在收看嘅觀眾,下次如果喺街上見到佢同小朋友一齊,千奇唔好搞佢,如果唔係佢就會有相同反應(發火)。

 

 

Edison破口大罵之後,就拖住囡囡離開,點知回頭時發現拍片者好似想繼續跟住自己,就繼續罵戰「你還要跟拍嗎?你還跟?你去另外一邊。」而片末,拍片者就堅稱自己冇去跟拍。

 

網民支持陳冠希舉動

拍片者原本想為自己抱不平,點知唔少網民竟然一面倒支持陳冠希,「藝人有自己的私生活,本來不應該打擾人家」、「觸碰別人底線被罵本來就活該」、「當第一次人家禮貌回絕的時候,這主播就應該收手了」。不過件事誰對誰錯,就要大家自行判斷啦!

 

陳冠希破口大罵偷拍者 全片:

Posted by SK Test on Tuesday, 2 April 2019

40萬豪買玩具 陳冠希被轟教壞女

陳冠希既是服裝品牌老闆,又一直走在潮流尖端,不過為了潮流和名牌大曬金錢的行為卻不是人人認同。陳冠希最近於IG發文大哂Supreme x Stern Pinball Machine DEADSTOCK波子機,波子機的價錢非常誇張,原來售一萬美元,但於拍賣網已被炒至近40萬港元。除非是發燒級潮流收藏家,不然不會購買。

View this post on Instagram

FOCUSED

A post shared by Edison Chen (@edcee3000) on

陳冠希曾將炒值過百萬的Supreme x Louis Vuitton 2017名牌箱變成女兒玩具箱,箱子大得可以把女兒整個人裝進去。不過網民對陳冠希接二連三嘅炫富舉動都相對負面,質疑他會教壞女兒。「個女咁細就教佢用名牌,第時大個肯定變超級港女」、「講真部波子機一千都畀多,佢成日咁晒法,其實佢驚唔驚做壞榜樣教壞細路」、「女女都變名牌奴隸」等。

View this post on Instagram

#EdisonChen

A post shared by 陈冠希 Edison Chen Fanpage (@edcec3000) on

讀者留言