ng

《反斗紅星冇暑假》吳若希喪露底

日前《反斗紅星冇暑假 嘩鬼上學去》中,吳若希、胡鴻鈞同許廷鏗為應付考試於宿舍中溫習,三人突然感到好悶,吳若希即提議玩「瘋狂歷史補習社」,開始時,吳若希似患老人癡呆,指許廷鏗為胡鴻鈞,已經笑爆嘴!之後更笑料百出,吳若希期間疑似露底外,又唔小心撳中胡鴻鈞嘅「兄弟」,又指宋朝名將岳飛塊面好紅,更說岳飛背面刻有「反清復明」四個字,真係笑到hihi!

其他文章:

黎明好事多籮籮

12條馬明毒男金句

喪露底?

一問一答歷史問題時,吳若希本來用披蓋住雙腿,點知鏡頭升高時,影到佢疑似露底!期間佢想越過胡鴻鈞拍打許廷鏗時,唔小心撳到「小胡」,拍「小胡」受傷嘅胡鴻鈞,即叫吳若希唔好亂撳,睇真啲,原來吳若希穿了條白色短褲,並非走光!

岳飛=關羽?

期間談到宋朝名將岳飛時,許廷鏗已向吳若希通水「字鵬舉」,但吳仍一頭霧水只知O嘴,激到二人紮紮跳!再問到岳飛身體特徵,吳若希答:「面好紅!」許廷鏗指面紅嗰位係三國名將關羽,即嬲到掟書!

岳飛背刻「反清復明」

之後,吳若希懶醒指岳飛背面刻有四個字「反清復明」!二人當場笑到差啲碌落地,吳若希自知瘀爆,只能以笑遮醜,許廷鏗更靚抽指岳飛刻上吳嘅洗腦歌〈越難越愛〉!

有人插亦有人撐

原來吳若希認為岳飛背上唔係刻有「精忠報國」四個字,反而係「反清復明」呢則笑料,於新地fb一出,即吸引超過二千五百人關注,更有逾二百人留言!當中有網民力撐吳若希歷史知識薄弱冇咩問題,更有網民指:「唔記得岳飛有幾出奇」!又指係吳若希fans,要學佢嘅天真同氣度,好正面呀!

又有網民撐吳若希,指吳離開學校一段時間,唔記得岳飛唔奇,更有網民撐吳因為照稿讀想搞爛gag,又有指吳冇將岳飛當張飛,都算好喇!

網民:小學雞都識

亦有網民持相反意見,指咁簡單問題小學雞都識啦!亦有其他人反問「醫生畢業唔記得晒以前讀過啲咩又得唔得?」

全文完