三朝奧運元老 歐鎧淳帶香港泳隊殺入巴西
四年一度的奧運會將於5號在巴西舉行，除咗跳水、田徑等必睇項目，今屆一定要捧香港泳隊場！8月12日有女子4×100米混合泳接力賽，其中一名成員，就係今年24歲、有「港隊美人魚」之稱嘅歐鎧淳！
延伸閱讀：
歐鎧淳中學畢業於名校嘉諾撒聖心書院，會考成績23分，及後到美國柏克萊大學升學，期間連續四屆代表大學出戰NCAA大學泳賽，取得兩屆大學冠軍。
讀書叻、游水勁，加埋純過蒸餾水嘅外貌，歐鎧淳輕易成為運動界女神，fb現時有過萬人follow，算係港隊明星！
形象健康，加上食住今年奧運條水，歐鎧淳早前獲唔少品牌邀請拍廣告，同陳瀅、王曼喜合作。運動員生涯短暫，巴西奧運極有可能係歐鎧淳最後一屆，不過以歐鎧淳咁高質，想入行做明星或者繼續讀書都冇問題啦！
全文完
