古巨基 Edan呂爵安

古巨基Edan呂爵安宣傳新歌《膠流教室》爆笑拍綜藝

最新娛聞

廣告

古巨基與Edan(呂爵安)首次合作作品《飄流教室》持續大熱,日前釋出錄音花絮之外,於昨晚(27日)再播出二人聯乘拍攝特備節目《膠流教室》,一共四條影片打入 YouTube 影片trending 十大,包括:飄流教室MV、飄流教室音頻版、飄流教室錄音花絮 、 及膠流教室,氣勢強勁!

古巨基Edan《膠流教室》互分享中學追女仔經驗

最新播出的一節目《膠流教室》以教室作為背景,穿著校服玩遊戲。遊戲內容以兒時的小遊戲為主,包括:急口令、天下太平、掉粉刷、歇後語問答環節及爆旋陀螺等。比賽開始前,二人各自分享校園生活,問到中學時代的戀情時,基仔(古巨基)表示唔會追女仔,Edan即笑問:「都係女仔追你嘅?」基仔隨即反問Edan中學有否拍拖,Edan坦言只拍過一次,「好青春呢件事,因為我哋係同班,所以唔可以俾人知,上堂又會偷偷地望佢,有種秘密嘅感覺,都幾得意。」隨後基仔續說:「我鍾意嗰個係低我一級嘅女仔,小息時喺走廊偷望佢經過,佢唔知。後來搵咗個朋友嘅朋友去識佢。」Edan聽後又即時反應:「你又話冇追女仔嘅?」基仔隨即反擊,大笑道:「識朋友啫嘛!」

Edan 膠流教室
(圖片來源:《膠流教室》截圖)

古巨基掟中Edan 食正「粉餅」扮暈

遊戲當中,以掟粉刷環節最為激烈,二人各有六個粉刷,輪流進攻及防守,目標是掟中黑板上的分數,二人認真作賽,毫不留手!過程中基仔(古巨基)其中一個粉刷,誤中Edan正面,食正「粉餅」!Edan隨即扮暈,基仔即上前慰問,二人捧腹大笑。

Edan大爆表白叫女仔「瞓覺吧」?

去到滴滴仔乒乓波遊戲,二人需要邊打乒乓波邊答問題。題目問到「鍾意隔離班個女同學,應該點表白?」,二人最初答「我愛你」「你好靚」「食飯吧」,Edan突然爆出一句「瞓覺吧」,基仔爆笑失守反問「瞓覺!?」,Edan即解畫「喺班房伏喺枱面瞓覺」,非常搞笑。總結成績,Edan以總局數四比二成為《膠流教室》「學霸」。

膠流教室 古巨基Edan
(圖片來源:《膠流教室》截圖)
膠流教室 古巨基Edan
(圖片來源:《膠流教室》截圖)

大量網民留言:「好癲好好笑呀」「笑到我口罩甩呀」、「兩代綜藝咖,真係冇代溝!」、「全程笑唔停,可唔可以[膠戰]crossover [係咪小兒科]呀?」、「膠戰s3可唔可以叫埋古sir」、「你哋兩個不如開個綜藝節目啦」。

古巨基大讚Edan謙虛又勤力

節目尾聲,基仔再次多謝Edan今次攜手合作,又大讚Edan是非常謙虛和勤力的年青歌手:「錄音時,就算一句錄好多次,要佢營造一啲表情,佢都係好樂意不斷再試。」「佢話知道自己唱歌仲有好多進步空間,所以只要有唔同嘅機會,都會好好珍惜同把握。」最後,二人表示希望可以在舞台現場演繹《飄流教室》,並且期待再次合作。

膠流教室 古巨基Edan
(圖片來源:《膠流教室》截圖)

Edan呂爵安節目中大爆自己戀愛經驗?

節目《膠流教室》二人各自分享校園生活,問到中學時代的戀情⋯⋯詳情請看

古巨基Edan呂爵安將會再有合作嗎?

基仔大讚Edan是非常謙虛和勤力的年青歌手,期待下次合作⋯⋯詳情請看

圖片來源:《膠流教室》截圖資料或影片來源:古巨基Leo Ku@YouTube