同時兼顧家庭和事業索媽陳敏之兒子1歲生日

陳敏之從演最激一次！

《溏心風暴3》劇情講到敏之搭上人夫唐文龍，雖然想放手，但其實一直都未能忘記對方，所以揸揸吓車就跳落車淋雨，欲以雨水淋醒自己。不過最後都係唔成事，敏之最終都係回到公司搵唐文龍講數，咁就名正言順玩濕身誘惑啦！

講多無謂、做就最實際，敏之緩緩除下西裝外套，白恤衫鈕扣逐粒解開，喱士黑Bra誘惑！敏之仲慌死唔夠吸引，捉住唐文龍隻手摸落去！

唐文龍本來仲係欲拒還迎，但最後都係頂唔順要就範，喺辦公室打得火熱！

喺office始終就住就住，敏之同唐文龍之後咀到返屋企，上到大床繼續瘋狂車輪戰，唐文龍仲雙手一嘢扯低敏之條bra帶！呢幕除了敏之玉背吸引外，唐文龍對麒麟臂同樣吸睛！

之後敏之同唐文龍仲有一場火辣辣浴室親熱戲，真係令人回想起《幕後玩家》翠如BB同蕭公子嗰一幕！今次《溏心3》演出都可算係敏之從演以來最激一次，唔知敏之老公有無睇到眼火爆呢？

回到現實，陳敏之當然係做番好媽媽！日前佢一家人和親友為寶貝仔「雷冬至」開派對慶祝1歲生日。「雷冬至」人仔細細已十分貪吃，趁著影相把手伸和蛋糕，樣子十分可愛。

同為人母的胡杏兒也有出席「雷冬至」的生日派對。

之前胡杏兒生完Brendan後，敏之也有帶同兒子一起去探望。

索媽陳敏之努力工作之餘也不忙照顧兒子，經常帶同「雷冬至」出席活動，也有親子檔一起賺錢。除此之外，也會經常在IG上載兒子的照片，非常溫馨。