ft pic

同Stephy分手5個月 方力申喪操變肌佬

方力申同Stephy不經不覺分咗手接近5個月,兩人有冇機會翻撻復合仲係未知之數,但小方近月就肯定係化悲憤為力量!運動員出身嘅小方,身型一向有番咁上下,但始終未係超級大隻仔類型。不過近日小方忽然喪操肌,即使去外地開工都會帶齊裝備去酒店房健身,依家全身都係肌肉,手瓜起晒蹍,胸肌更明顯脹卜卜!

其他文章:

勁過八號波 林泳淘逼爆背心嚇窒訓練員

《城寨英雄》變態夏滿施暴前隊生雞蛋

日前小方去咗大馬拍戲,po咗幾張新相上Ig,相中見到小方身形比之前明顯大隻咗好多,尤其心口嘅胸肌同一對手瓜,堅大隻!

其實小方一向有教人健身,不時po片做示範,片中小方嘅背肌似足漫畫人物,絕對有資格去參加健美先生!

早前小方拍電影《綁架丁丁當》,其中有幕要剝衫晒肌,當時小方已經操得相當fit,但就冇依家咁誇張!

睇番小方早年嘅身形,又真係有少少六神合體feel,好在佢肯跟杜德智做gym先有今時今日咁J得落嘅身材咋!

全文完