AA

港版《大叔的愛》Edan呂爵安獲黃德斌「英雄救美」結良緣 《造美人》Ice係媒人?

即將開播的ViuTV新劇《大叔的愛》,最近在預告片中有一幕Edan(呂爵安)在巴士中向黃德斌「投懷送抱」的戲份,原來該幕劇情入面《造美人》Ice(嚴楚翹)都有份演出,更成為兩人之間的「媒人」,而負責英雄救「美人」Edan的黃德斌,更搞笑指這幕戲份是兩人的「巴士奇遇結良緣」!

文:東方新地|圖:《大叔的愛》劇照及影片截圖

《大叔的愛》Edan 被誤會非禮女乘客

在ViuTV新劇《大叔的愛》日前播出的預告片中,有一幕Edan(呂爵安)在巴士中向黃德斌「投懷送抱」的戲份,原來該幕係講Edan在巴士上被誤會非禮女乘客,結果黃德斌「英雄救美」、為Edan解圍後,還將Edan擁入懷中!

大叔的愛
黃德斌在巴士上一手攬實Edan呂爵安!(圖片來源:《大叔的愛》劇照)
大叔的愛
睇吓黃德斌個樣幾冧。(圖片來源:《大叔的愛》劇照)
大叔的愛
其實Edan先係被抽水嗰個?(圖片來源:《大叔的愛》劇照)

睇真啲,該個懷疑「被非禮」的女乘客,原來係《造美人》十強佳麗之一的Ice(嚴楚翹),Ice過去曾經演出過《愛·回家之開心速遞》同《寶寶大過天》等無綫劇,但直到參加ViuTV選美真人騷《造美人》才開始為觀眾所熟悉,今次《大叔的愛》是她首次參演ViuTV劇,可惜只係演個無名女乘客角色。

大叔的愛
Ice碌大眼睥住Edan,一臉不滿,似乎想吵大鑊!(圖片來源:《大叔的愛》劇照)
大叔的愛
最後幸得黃德斌幫Edan解圍,成功「英雄救美」。(圖片來源:《大叔的愛》劇照)

黃德斌笑指今次的劇情是「巴士奇遇結良緣」,仲話自己平日好貼地,不時坐公共交通工具:「因為太方便,唔使周圍搵車位!不過我哋平時坐車都收埋自己,唔會招惹啲咩誤會,即使見人鬧交都未必出聲,除非去到動手動腳啦,如果唔係,唔會介入人哋鬧交。」

大叔的愛
黃德斌話今次的劇情係「巴士奇遇結良緣」。(圖片來源:《大叔的愛》劇照)
大叔的愛
黃德斌話佢平時喺巴士上怕招惹誤會,即使見到人鬧交都唔會出聲。(圖片來源:《大叔的愛》劇照)

而Edan就自嘲貧窮,所以是巴士常客,他笑言平時在車上不時與Anson Lo(盧瀚霆)短訊傾劇本:「我哋之前真係好驚,因為呢部劇買晒版權,要喺原著同自己風格中攞平衡。可能我哋未夠專業啦,平時我哋都會攬頭攬頸咁玩,所以唔會太尷尬!最驚係Anson Lo自己加戲,或者拍錫錫戲嗰陣加啲嘢,咁就嚇親我囉!」

大叔的愛
Edan話希望喺日版原著同自己嘅風格中搵到平衡。(圖片來源:《大叔的愛》劇照)
大叔的愛
Edan話最怕Anson Lo自行加親熱戲!(圖片來源:《大叔的愛》影片截圖)

Anson Lo就話為了投入與Edan的感情,要不時向對方獻媚,他表示:「冇辦法啦,識咁耐都唔會黐咁埋傾偈,所以都幫佢攞飯、攞埋餐具,做到細心啲咁,希望可以搵到嗰份感覺。」

大叔的愛
Anson Lo話最近都親自幫Edan攞飯、攞餐具以增進感情。(圖片來源:《大叔的愛》影片截圖)
大叔的愛
Anson Lo希望同Edan搵到個份戀人之間嘅感覺。(圖片來源:《大叔的愛》影片截圖)

同場的混血兒Asha(徐㴓喬)自言被人嫌棄鬼妹仔口音,要糾正做地道「港女」,她說:「導演有日好尷尬咁話我有鬼妹仔口音,我話我真係鬼妹仔嚟㗎!所以依家我學緊咬字,要做個地道香港人先得!」

大叔的愛
混血兒Asha為咗做個地道「港女」,最近正學緊咬字。(圖片來源:徐㴓喬IG)

即睇港版《大叔的愛》經典場口(有巴士攬攬一幕):

仲有大量犯規畫面!《大叔的愛》連環不幸版?!

讀者留言