1

姚子羚回歸單身 37歲索爆「表哥」重新上市

37歲姚子羚(Elaine)昨日宣布同拍拖三年男友「的士邦」鄭子邦分手,結婚撻Q,子羚當然好傷心,不過大批網民力撐佢回歸單身。咁又係!出晒名身材索爆的子羚體重100磅,擁23吋纖腰仲有豐滿上圍及長腿,係唔少女士夢寐以求的魔鬼身材,睇到男士們熱血沸騰,希望佢早日搵到Mr. right啦!

撰文: 東方新地

圖片: 新傳媒資料庫、TVB、姚子羚Instagram

姚子羚回歸單身

有傳姚子今日姚子羚在Ig承認分手,留言:「從來我都甚少在社交網絡提及自己的感情事,與其有不同的揣測和假設…..就讓我來說吧!謝謝大家的關心,這是我們共同的決定,這些年我們共同經歷的,也就只有我們最明白,也感恩有他在我身邊,我們仍然很好,仍會彼此關心、支持、愛護對方。 一段關係的完結並不代表就是結束,愛其實可以有更多不同的方式,我相信無論我們是什麼關係,仍會守護、祝福對方,也希望大家給予空間讓我們去處理我們的事。」

姚子羚
14年6月本刊率先爆姚子羚撻着的士邦,最初的士邦否認戀情兼怒指有人放料,其後經過姚子羚多年努力,終獲男友公開認證女友身份。
姚子羚一直想同男友結婚,但的士邦未有此打算,子羚今日終認分訊!
拍拖三年,有傳姚子羚一直想結婚,但的士邦未有此打算,子羚今日終認分訊!

胡說八道姊妹陪療傷

李施嬅喺IG貼出四張合照,胡杏兒、胡定欣、胡蓓蔚、李施嬅、黃智雯及姚子羚,六個胡說八道會嘅姊妹攬頭攬頸好開心,不過李施嬅加hashtag話「just be happy(只要開心)」、「we support no matter what decisions by your side(無論你作出任何決定,我們都支持)」,又話「撐你」。原來佢講要「支持嘅人」係剛失戀嘅姚子羚,真係人生有個真正朋友的確好極⋯⋯

姚子羚
姚子羚獲姊妹們力撐!
姚子羚
姚子羚有胡說八道姊妹力撐,情傷應該好快痊癒⋯

姚子羚 化身性感打女

姚子羚(Elaine)以去年度熱播劇《同盟》內韋以柔一角角逐最佳女配角,劇中姚子羚日日戰鬥格,窄身性感短裙配上斗零高踭鞋,仲同劇中男友陳山聰激吻過不停,晚晚睇到大家熱血沸騰!子羚佢同劇中男友山聰有勁多咀戲,日前山聰同子羚宣傳新劇時,大讚子羚好好錫,不知有多少男士想好似山聰咁有艷福呢!

姚子羚
姚子羚 在《同盟》飾演韋以柔一角,表面上是集團公關部主管,幫大姐大鮑姐做事,但其實不時要應付打鬥場面,好有挑戰性!
姚子羚
姚子羚要做打女,穿著卻日日性感艷麗。

奪最佳女配

早在2015年,子羚《張保仔》憑炎貴妃一角,奪得「最佳女配角」!

姚子羚

姚子羚
姚子羚呢個打女Look咁索,畀佢打都抵啦!
姚子羚
37歲姚子羚保養得宜!

每次出席宣傳活動,子羚都博到盡晒身材!

 

姚子羚
姚子羚呢個濕身look,不經意露事業線!
姚子羚
姚子羚條腿又白又長又滑,難怪煎Pang都喪𥄫⋯

女大十八變

姚子羚入行十多年,之前myTV SUPER的facebook上載一條名為《同盟‧女神成長日記》,剪輯子羚由出道至今演出的劇集片段,包括:《當四葉草碰上劍尖時》、《與敵同行》、《單戀雙城》、《四個女仔三個BAR》、《實習天使》、《同盟》,讓大家看看何謂「女大十八變」!

姚子羚
姚子羚在《當四葉草碰上劍尖時》戴上眼鏡,矇矇眼,樣子清純可愛。

姚子羚

姚子羚
姚子羚在《與敵同行》同郭晉安演對手戲,帶點青澀。
姚子羚
姚子羚之後在《單戀雙城》跟陳展鵬合演情侶!

姚子羚大方回應「表哥」改圖

每當姚子羚出現,連帶「表哥」亦會出現。「表哥」是指網民將姚子羚的眼睛擦走妝容,將其改圖至豆豉眼的她。外貌古怪嚇人,但是問到姚子羚會否介意網民此改圖行為,她不但沒有生氣,反之卻完全不介意,非常大方!

姚子羚
姚子羚大方回應「表哥」改圖!
姚子羚
呢張「表哥」改圖,真係樣衰又抵死,難得子羚唔介意!
姚子羚
姚子羚「表哥」改圖仲有呢張

keep得非常好

姚子羚今年就38歲,絕對唔係十八廿二,不過樣貌身材都keep得非常好,體重100磅、上圍豐滿、23吋蜂腰,再加埋白裡透紅肌膚,少女味又有,女人味亦有!佢亦不時在社交網站post相派福利,大騷fit爆身材!

姚子羚
姚子羚依然好索⋯

 

姚子羚
自知身形靚,姚子羚都開心些牙!

姚子羚

姚子羚
有腰有胸有身材,男士至愛!

爆Fit一世秘訣

姚子羚咁Fit,點都有啲瘦身秘訣,佢經常跑步、行山,又會同胡說八道會一班姊妹做gym,實行健康人生。

姚子羚
姚子羚原來都係大奶奶⋯
姚子羚
姚子羚皮膚白滑,遊船河都唔怕曬黑!
姚子羚
姚子羚呢個影后真係正⋯

姚子羚

睡前必做⋯

飲食方面,子羚就話自己堅持每餐只食七成飽,亦奉行少食多餐,宵夜都只食菜。佢仲有一個秘訣,就係臨訓前飲一壺湯,有冇用,睇子羚的身型就知!

姚子羚
姚子羚同姐妹胡定欣齊齊做運動。
姚子羚
姚子羚同姐妹李施嬅、胡蓓蔚一齊跑步放狗。
姚子羚
姚子羚更會玩越野單車呢!